Рубен Аморим аз вазифаи сармураббии дастаи футболи «Манчестер Юнайтед» озод карда шуд. Дар ин бора сомонаи расмии бошгоҳ хабар медиҳад.
То таъйини сармураббии нав, вазифаи иҷрокунандаи сармураббии дастаро Даррен Флетчер ба уҳда мегирад.
Мутахассиси 40-солаи португалӣ Рубен Аморим моҳи ноябри соли 2024 роҳбарии «Манчестер Юнайтед»-ро ба зимма гирифт. Дар давраи фаъолияти ӯ даста ягон унвон ба даст наовард, ҳарчанд ба финали Лигаи Аврупои мавсими 2024/25 роҳ ёфт.
Бозии охирини «Манчестер Юнайтед» таҳти роҳбарии Аморим 4 январ баргузор шуд, даста бо «Лидс» бо ҳисоби 1:1 бозиро мусовӣ анҷом дод. Айни ҳол клуби Манчестер дар ҷадвали Премйер-лигаи Англия дар ҷойи шашум қарор дорад.
Бозии навбатии «Манчестер Юнайтед» рӯзи 7 январ бо «Бернли» рақобат хоҳад кард.
