Бузургтарин майдони болопӯшидаи академияи “Ювентус” дар ноҳияи Синои шаҳри Душанбе мавриди истифода қарор гирифт. Баландии майдони болопӯшидаи футболи Академияи Ювентус дар Тоҷикистон, ки нахустин мактаби футболи касбии аврупоӣ барои кӯдакон ба ҳисоб рафта баландиаш 17, дарозиаш 80 ва паҳноиаш 40 метрро ташкил медиҳад ва айни замон дар миёни майдонҳои болопӯшидаи академияҳои амалкунандаи “Ювентус” дар ҷаҳон бузургтарин ба ҳисоб меравад.
Ин нахустин тарҳе мебошад, ки васеъгияш 40 метр буда, бидуни сутун сохта шудааст. Майдони футбол аз сабзаи сунъии насли сеюм омода гардида, он аз ширкати байналмилалии “CC Grass”, ки дорои сертификати сифати Федератсияи байналмилалии футбол аст, харидорӣ шуда, ба талабот ҷавобгӯ мебошад.
Майдони мазкур дар Маҷмааи муосири варзишию фароғатӣ ҷойгир шуда, 13 сентябр ба истифода дода шуд. Дар маросими ифтитоҳи ин маҷмаа Президенти кишвар муҳтарам Эмомалӣ Раҳмон ва Раиси шаҳри Душанбе Рустами Эмомалӣ ширкат намуданд.
