Нахустин қатори мусофирбар аз шаҳри Душанбе ба Тошканд дирӯз, 20 июн гусел карда шуд.
Қатораи мусофирбар аз 10 вагон: 4 вагони купе, 5 платскарт ва вагон-тарабхона иборат аст. Вагонҳои нави автоматишуда истеҳсоли Украина мебошанд. Дар дохили вагон лавҳа (табло)-и иттилоотӣ дар бораи рӯз, ҷадвал, хатсайр, ҳарорати ҳаво дар дохили вагон насб шудааст. Дар як вагони купе то 54 мусофир сафар карда метавонанд. То истгоҳи роҳи оҳани Кудуклӣ (120 километрии ғарби Душанбе) дар қаламрави Тоҷикистон қатора 6 маротиба таваққуф мекунад: Душанбе-2, Айнӣ, Ҳисор, Чептура, Регар, Пахтаобод. Дар ҳар кадоме аз ин истгоҳҳо қатора муддати 3 дақиқа ва танҳо дар истгоҳи Регар 40 дақиқа таваққуф мекунад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
4
+1
+1
+1
+1
+1
+1
