МУВАФФАҚИЯТБарномаҳои Амирҷон кори киро осон мекунад?

Барномаҳои Амирҷон кори киро осон мекунад?

-

Амирҷон Сатторов навраси барномасоз ва навовар аст, ки ғояҳои ҷадиду ҷолибро дар амал тадбиқ мекунад. Ӯ ҳамагӣ 15 сол дошта, дар Литсейи инноватсионии “Душанбе” -и назди ДТТ таҳсилашро идома медиҳад.

Амирҷон тайи ду соли охир дар як қатор озмунҳо ширкат ва мақомҳои ифтихориро соҳиб гардид. Соли 2021 дар Озмуни байналмилалии омӯзишии “Stemford” дар бахши “Микроэлектроника”, ки дар шаҳри Маскав баргузор гардид, ғолиб омада буд. Соли 2022 дар Олимпиадаи байналмилалии “Kangaroo” аз фанни риёзӣ медали нуқраро соҳиб шуд. Инчунин соли равон дар даври финалии озмуни “Тоҷи сари ҷумла ҳунарҳост илм” дар номинатсияи “Барномасозӣ” барандаи ҷоизаи озмун ба миқдори 15 000 сомонӣ шуд.

“Аз овони хурдӣ ба таҷҳизотҳои гуногун шавқу рағбат доштам. Ҳамеша фикр мекардам, ки онҳоро чӣ тавр месозанд. Пайваста хабарҳои соҳаи IT –ро пайгирӣ мекардам. Дар ниҳоят, ба ин соҳа қадам гузоштам”, — мегӯяд Амирҷон.

Амирҷон тариқи “Scratch” барномаи тестиеро бо номи “Сомонаи универсалӣ” таҳия кард, ки барои бедор кардани шавқу рағбати хонандагон ба илмҳои дақиқ пешбинӣ гардидааст. Дар ин барнома саволҳои тестӣ аз се фан- риёзӣ, физика ва технологияи иттилоотӣ ҷой дода шудааст. Барнома дорои 3 зина буда, барои гузаштан аз ҳар зина бояд 25 саволро ҳал кард. Дар маҷмӯъ, ин барнома зиёда аз 300 саволро дар бар мегирад ва аниматсионист.

Робот-мошинчаи “Ibot Lafvin”-ро низ Амриҷон сохтааст, ки бе хато рӯйи хат ҳаракат мекунад. Дар ин мошинча сенсорҳое мавҷуданд, ки фосилаи мошинчаро то объект андозагирӣ намуда, ҳангоми ба объект наздик шудан аз ҳаракат боз мемонад, ё самти ҳаракати худро иваз мекунад.

Барномаи дигареро бо забони “Python” таҳия кардааст. Ҳангоми кор бо ин барнома клавиатура ва мушак лозим намешаванд. Бо ёрии ин барнома вақти истифодабаранда бо компютер бо садо супориш медиҳад. Истифодаи ин барнома дар коргоҳҳо метавонад суръати корро баланд бардошта, зиёнеро, ки компютер ба саломатии майнаи сар, чашм ва сутунмӯҳра зарар мерасонад, кам намояд.

Инчунин дар ин барнома маълумот оид ба Ҷумҳурии Тоҷикистон, мавзеҳои саёҳӣ, Паёмҳои президент, Донишгоҳи технологии Тоҷикистон, Литсейи инноватсионии «Душанбе» ва дигар итилоот дарҷ гардидааст. Барнома дорои китобҳои электронӣ буда, мушкили хонандагонеро, ки аз норасоии китобҳои дарсӣ азият мекашанд,  ҳал мекунад.

Амирҷон яке аз пешқадамтарин хонандагони литсей ба шумор меравад. Дар оянда орзу дорад, ки дар яке аз донишгоҳҳои бонуфӯзи Кореяи Ҷанубӣ таҳсили хешро идома диҳад.

Нодира Собирзод

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
7
+1
4
+1
0
+1
0
+1
0
+1
0
+1
0

ХАБАРҲОИ ОХИРИН

Гурдофарид донишу касбро ройгон меомӯзонад

Соли 2019 ташкилоти “Гурдофарид” дар ҳамкорӣ бо чор созмони ҷамъиятӣ аз Қазоқистон, Узбекистон, Қирғизистон ва Фаронса лоиҳаи “Саводи расонаӣ...

Clickbait. Эҳтиёт бошед то тӯъмаи дигарон нагардед!

Ҳангоми истифодаи шабакаҳои иҷтимоӣ чунин ҳолатҳо зиёд рух медиҳад ки ягон расм, навор ё матн диққати шуморо ба худ...

“Имконият” тавоноии бонувони маъюбиятдоштаро зиёд кард

Ҷамъяти маъюбони шаҳри Душанбе “Имконият” бо дастгирии Сафорати Амрико дар Душанбе лоиҳаеро бо номи "Фаҳмондадиҳии ҷомеа ба мақсади коҳиш...

ДМТ Маркази омӯзиши робототехника месозад

Дар Донишгоҳи миллии Тоҷикистон Маркази омӯзиши робототехника ва озмоишгоҳҳои муосир таъсис дода мешаванд. Ҳамзамон дар заминаи ин озмоишгоҳҳо ташкили...
spot_imgspot_img

Беҳтарин смартфони моҳи сентябр

Муҳаррирони портали 4PDA рӯйхати беҳтарин смартфонҳои моҳи сентябр муаррифишударо тартиб доданд. iPhone 15 ва 15 Plus-хусусиятҳои асосии маҳсулоти нав сканери...

Чаро истирдоди хакери рус тӯл мекашад?

Муовини додситони кулли Қазоқистон Асет Чиндалиев гуфт, истирдоди хакери рус Никита Кислитсин метавонад беш аз як сол тӯл кашад....
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад