Муассис ва роҳбари мессенҷери Telegram Павел Дуров тасдиқ кард, ки обунаи пулакии Telegram Premium дар барнома пайдо мешавад. Вай дар ин бора тариқи каналии шахсии худ, ки бо забони англисӣ аст, хабар дода, илова намудааст, ки ҷорӣ кардани имконоти нав ба маҳдудиятҳои техникӣ марбут аст ва фаъолсози Premium барои ҳама корбарон боиси «хароҷоти идоранашавандаи серверҳо ва трафик» мешавад. «Базм, мутаассифона, барои ҳама ба охир мерасид.»,- гуфтааст роҳбари Telegram.
Ба қавли ин соҳибкори соҳаи IT, тамоми имконоти ва хусусиятҳои Telegram Premium дар моҳи июн муаррифӣ хоҳанд шуд.
Қаблан гуфта мешуд, ки обунаи пулакии Premium дар бета-версияи Telegram барои Android пайдо шуда, тибқи маълумоти пешакӣ, обуна дар як моҳ 5 доллар аст.
