Дар моҳи май ва аввали моҳи июн махзани маълумотҳои ширкатҳои русӣ ба таври рекордӣ мавриди ҳуҷум қарор гирифтааст- беш аз 50 маҳзан. Дар ин бора Group-IB ба Gazeta.Ru иттилоъ додааст. Барои муқоиса, 32 ҳолати сирқати иттилоот дар моҳи апрел ва 16 ҳолат дар моҳи март сабт шуда буд.
«Ҳамлагарон на ба хотири ба даст овардани пул, балки барои расонидани зарари ҳадди аксар ба ширкатҳо ва муштариёни онҳо кӯшидаанд.», -гуфтаанд мутахассисони Group-IB.
Мувофиқи маълумоти коршиносони Group-IB Threat Intelligence, дар моҳи май ва аввали июн, 616,6 миллион маълумот дуздида шудааст. Ин иттилоот иборат аз пойгоҳи додаҳо, номҳои муштариён, рақамҳои телефон, суроғаҳо, санаи таваллудро дар бар мегиранд ва баъзеҳо дорои рамз (парол), тафсилоти шиноснома, ё натиҷаҳои санҷиши тиббӣ мебошанд.
