Меҳровар дорои имконияти маҳдуди ҷисмонӣ буда, вале рӯҳафтода нашудаву шоирӣ, блогерӣ ва вероишгарӣ мекунад. Айни ҳол Роҳбари филиали Иттиҳодияи маъюбони ноҳияи Мастчоҳ аст.
Овони бачагиву наврасиаш дар Кӯҳистони Мастчоҳ пушти сар шуда, баъди хатми мактаби миёна ба шаҳр меояд. Номи насаби аслиаш Дилшодзода Файзуллои Сулаймон буда, ӯро бо тахаллуси Меҳровари Мастчоҳӣ мешиносанд.
Рӯ ба шеър овардани бародараш муҳаббати шеър гуфтанро дар дили Меҳровар бедор кардааст. Аз овони бачагию наврасӣ рубоиву шеър менавишт ва акнун ду маҷмӯаи шеърияш-“Шабеҳи Шарқ” ва “Саодат аз иродат” рӯи чопро дидаанд. Ба гуфти ин ҷавони муваффақ, ҷисми бонуқс маъюбӣ нест. Инсоне, ки нуқс дар фикру мағз дорад, маъюб аст!
Меҳровар замоне ба Маркази миллии тестӣ ҳуҷҷҷат супорид, ки то имтиҳон ҳамагӣ як рӯз вақт боқӣ монда буд. Ба гуфти ӯ, интихоби касбаш таваккалӣ буд. Зеро, бинобар сабаби вақти кам ба номгӯи ихтисосҳо шинос шуда натавонист.
Аз замони донишҷӯӣ ба баргузории маҳфилҳои шеъру шоирӣ, корҳои ҷамъиятӣ ва чорабиниҳои фарҳангӣ ихтиёрӣ хизмат мекард ва худро сайқал медод. Иштирокчии анҷумани Адибони ҷавони ИНТ дар солҳои 2020-2021 аст.
Меҳровар дар шабакаи иҷтимоии youtube саҳифаи хешро дошта, ҳаводоронашро аз эҷодиёташ бохабар месозад.
Меҳровар то дами донишҷӯӣ ва роҳу равиши худро пайдо кардан дар дукон қурутфурӯшӣ мекард, дар саҳро ба корҳои хоҷагӣ кумак мерасонид. Ҳоло 300 сомонӣ нафақаи маъюбӣ мегирад.
Фарзона Муродӣ
