МУВАФФАҚИЯТНашри китоб барои пешбурди блог

Нашри китоб барои пешбурди блог

-

Дар Душанбе нахустин китоб дар бораи пешбурди блогҳо ба забони тоҷикӣ бо номи “Блогинг, қадам ба қадам” чоп шуд.  Ин китоб аз ҷониби рӯзноманигор Аслам Мӯминзод  навишта шуда, бо тамғаи  нашриёти “Ирфон”   нашр шудааст.

Китоби мазкур аз ҳашт қисм иборат буда, дар он дар бораи фаъолияти блогерӣ, намудҳои блогҳо, намудҳои  платформаҳои блогинг, тафовути  онҳо аз ҳамдигар, усулҳои интихоб ва истифодаи босамари платформаҳо, роҳҳои кушодани блогҳо, ҳуқуқ барои пешбурди блог,  усулҳои  эҷод намудани контенти босифат, роҳҳои афзоиши муштариёни блог, роҳҳои пул кор кардан аз блогҳо ва роҳҳои муваффақ намудани  блогҳо ба хонандагон маълумоти муфид пешниҳод мешавад.

Китоби “Блогинг, қадам ба қадам” ҳамчун дастури роҳнамо бо мақсади баланд бардоштани сатҳи дониши блогерону рӯзноманигорон барои пешбурди фаъолияти блогерӣ таҳия шудааст. Ҳамчунин аз доираи васеъи хонандагон метавонанд барои пешбурди блогҳои худ истифода баранд.

Бояд гуфт, ки блогинг ҳоло ба як бахши муҳими зиндагии инсонҳо табдил ёфтааст. Он барои маркетологҳо воситаи бозорёбии рақамӣ, барои воизон минбар барои суханронӣ, барои ширкатҳо воситаи таблиғи молу маҳсулот, барои мутахассисон воситаи худро муаррифӣ кардан ва барои рӯзноманигорон воситаи нашр кардани иттилоот ва барои ҳаваскорон воситаи дилхушиву фароғат, барои бархе аз одамон воситаи баёни дарду алам, барои хотиранависон рӯзнома ё дафтари хотираҳо ва барои шахсони муваффақ воситаи даромаду пешбурди рӯзгор аст.

Ҳар кас ба воситаи блогинг метавонад, ки фикрҳо ва идеяҳои худро ба ҷаҳониён пешниҳод кунад ва он имкон медиҳад ҳамчун восита барои сохтани шабака, ҷамъоварии ҳамфикрону дӯстон ва барои ба даст овардани даромад мусоидат кунад. Аммо муваффақ шудан дар дунёи блогинг кори осон нест. Китоби мазкур ба хонанда моҳияти блогингро мефаҳмонад ва роҳҳои сохтани блоги муваффақро нишон медиҳад.

Китоби “Блогинг, қадам ба қадам”  ба хоҳишмандон барои ба муваффақият ноил шудан дар ҷодаи блогинг кӯмак мекунад. Китоб бо дастгирии Сафорати ИМА дар Тоҷикистон  ба табъ расидааст.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
0
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

Дастгирии лоиҳаи занони осепазир: таҷҳизоти хайётию пӯхтупаз ва чорво

Рисолат (номи шартӣ) хушунат дидааст. Ӯ ҷойи зист надорад ва дар бинои як муассисаи давлатӣ зиндагӣ мекунад. Ин зан дар...

Роҳандозии тарҷумони худкор дар WhatsApp

WhatsApp тарҷумони худкорро ба забони русӣ ва дигар забонҳо барои дастгоҳҳои Android ҷорӣ кард. Дар ин бора WABetaInfo (WBI)...

Redmi K70 Ultra бо нишони Lamborghini

Xiaomi эълон кард, ки смартфони Redmi K70 Ultra бо нишони Lamborghini пешниҳод месозад.  Интизор меравад, ки муаррифии модели  Redmi K70...

Эълони пардохти кумакпулӣ дурӯғ аст!

Эълон оид ба пардохти маблағ барои нафарони солҳои 1990-2024 фаъолияткарда асосӣ воқеӣ надорад. Вазорати меҳнат, муҳоҷират ва шуғли аҳолӣ бо...
spot_imgspot_img

77%-и кӯдакон дар Суғд ба кӯдакистон намераванд

Дар минтақаи Суғд 45 ҳазор кӯдак ба муассисаҳои томактабӣ фаро гирифта шудаанд. Давоми як соли охир фарогирӣ ба кӯдакистонҳо...

Таҳсили духтарон. Кадом мушкилиҳо вуҷуд дорад?

Моҳиолам Каримова аз минтақаи дурдасти кишвар аст. Бо вуҷуди ин, тавонист дар коллеҷи тиббии ноҳияи Рашт шомил гардад. Ӯ...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад