Дар форуми сармоягузорӣ, ки 18 май дар Брюссел баргузор гардид роҳбарону намояндагони ниҳодҳои мухталифи Иттиҳоди Аврупо, Парлумони Аврупо, роҳбарон ва кормандони ширкатҳои Белгия, Швейтсария, Подшоҳии Муттаҳида, дигар мамлакатҳои Аврупо ва зиёда аз 115 нафар соҳибкорони минтақа, ки бахшҳои нассоҷию бофандагӣ, саноати кӯҳкорӣ, фанновариҳои иттилоотӣ, аз ҷумла бахши зеҳни сунъӣ, саноати сабук, тавлиди ҷавоҳирот ва заргарӣ, рушди кишоварзиву бахши саноатикунонии чорвопарварӣ, коркарди сангҳои ороишӣ ва бинокориро намояндагӣ мекарданд, иштирок намуданд.
Ба иттилои АМИТ «Ховар», Тоҷикистонро дар ин форум Тоҷикистонро роҳбарони вазоратҳои корҳои хориҷӣ, рушди иқтисод ва савдо, молия, кумитаҳои давлатии сармоягузорӣ ва идораи амволи давлатӣ, рушди сайёҳӣ, Палатаи савдо ва саноат ва гурӯҳи соҳибкорони ватанӣ намояндагӣ намудаанд.
Дар форум Раиси Шӯрои директорони ширкати саҳомии «ТАЛКО» бо роҳбари ширкати швейтсарии «Васт рисорсиз ПЛС» Эндрю Прелеа ёддошти тафоҳум ба имзо расониданд, ки маҷмӯи маблағгузориаш 20 миллион $-ро ташкил медиҳад.
Ширкати ватании «Авесто групп» бо ширкати белгиягии «Пиканол Н.В.» дар масоили нассоҷӣ ва дӯзандагӣ, ширкати ватании «Амина» бо ширкати «Интреко»-и Белгия ёддоштҳои тафоҳум ба имзо расонидааст.
Акс аз АМИТ «Ховар»
