Ширкати Google барои рафъи даъвоҳои марбут ба махфияти маълумоти корбарон бо иҷрои пардохти 1,375 миллиард доллар ба иёлати Техас розӣ шуд. Ин маълумотро нашрияи The Verge бо истинод ба матбуоти прокурори генералии Техас Кен Пакстон нашр кардааст.
Соли 2022 Додистони Техас ду даъвои ҳуқуқӣ ба зидди Google пеш овард, ки ширкатро ба ғайриқонунӣ пайгирӣ кардани маълумоти шахсии корбарон, аз ҷумла маълумоти ҷойгиршавӣ (геолокатсия) ва маълумоти биометрӣ айбдор менамояд.
Маблағи 1,375 миллиард долларии ин созишнома бузургтарин маблағест, ки Google то имрӯз ба як иёлоти алоҳидаи ИМА дар иртибот ба масъалаҳои махфият пардохт кардааст. Пештар, ҳадди аксарӣ дар ин мавзӯъ 93 миллион доллар буд.
Намояндагони Google ишора карданд, ки ин созишнома ба даъвоҳои қадимӣ марбут аст ва сиёсати ширкат дар ин мавзӯъ аз он замон тағйир ёфтааст.
