КОМЁБФаррух Умаров: ман "БОСС" нестам, ёвари ҳамкорон ҳастам!

Фаррух Умаров: ман «БОСС» нестам, ёвари ҳамкорон ҳастам!

-

Муаррифи яке аз лоиҳаҳои “Ilmhona». Акс аз саҳифа instagram-и Фаррух Умаров

Фаррух Умаров, директори маркази омӯзишии  “Ilmhona» худро дар коргоҳ босс намедонад, баръакс, хешро ходим ва ёвари ҳайати ҳамкорон мегӯяд. Мехоҳад “Ilmhona» дар саросари кишвар фаъолият намояду хизмати як донишгоҳи соҳавиро  дар бахши барномасозиву IT анҷом диҳад. 

Ӯ 28 сол дошта, мухлиси ашадии клуби Реал Мадрид аст. Маркази таъсисдодаи ӯ ва дӯстонаш ба омода кардани мутахассисони соҳаи IT авлавият медиҳад.

Коргоҳи хурди худро, ки се сол боз дар он фаъолият доштанд, акнун тарк мекунанд ва ба як коргоҳи бузургу барҳаво, ки таъмираш идома дорад, кӯч хоҳанд баст.

«Давраи бачагӣ мисли дигар тоҷикбачаҳо зиндагии оддие доштем. Падарам мисли дигарон муҳоҷират мерафтанд. Агарчи даврони Шӯравӣ яке аз мутахассисони хубе буд. Яъне, бисёр чиро барои мо қурбон  кард.», -ба ёд меорад ӯ.

Маркази омӯзишии “Ilmhona” аз замони фаъолияташ, ки вақти зиёде нашудааст,  садҳо барномасозу дизайнер омода кардааст.

Соли 2018 гурӯҳе аз ҷавонони тоҷик-Фардавс Абдуназаров, Шуҳрат Шарифов ва Фаррух Умаров маркази омӯзишиеро боз карданд, ки дар муддати кӯтоҳ барномасози касбии компютер омода мекунад.

Фаррух мегӯяд, идеяи таъсиси чунин марказ баъди хатми донишгоҳи Оксфорд дар зеҳнаш пайдо шуд:

“Замони таҷрибаомӯзиам дар Исроил мушоҳида намудам, ки ин кишвар барномасозонро аз давлатҳои гуногун даъват мекунад ва бо ҷойи кору маоши хуб таъмин менамояд. Он вақт дарк кардам, ки дар замони муосир ин касб хеле зарурӣ аст. Ба ин хотир, тасмим гирифтам дар Тоҷикистон як маркази омӯзишӣ таъсис диҳам.”

Аз замони таъсиси марказ нафарони зиёде “Ilmhona”-ро хатм намудаанд, ки ҳудуди панҷоҳ нафари онҳо бо пешниҳоди “Ilmhona” дар ширкатҳои бонуфӯзи ватанию хориҷӣ ба ҳайси барномасоз ва дизайнер ба кори доимӣ таъмин шудаанд.

Маркази “Ilmhona” дар се равия мутахассис омода мекунад:

  • Барномасозии WEB;
  • Сохтани барномаҳои мобилӣ;
  • Дизайн

Маркази омӯзишии  “Ilmhona” барои нафароне, ки бо баҳои аъло ин ҷоро хатм мекунанд, имтиёз медиҳад. Агар маҷмӯи холи донишҷӯ дар имтиҳон боло бошад маблағи пардохтаи ӯ пурра баргардонида мешавад. 

Фаррух Умарӣ мегӯяд, ҳамарӯза барои пешниҳоди мутахассис аз ҷониби “Ilmhona” муроҷиат зиёд аст. Амо на ҳама ҳамеша хоҳиши онҳо қонеъ карда мешавад, зеро, талабгорон хеле зиёданд.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
6
+1
0
+1
0
+1
0
+1
0
+1
0
+1
0

ХАБАРҲОИ ОХИРИН

3 декабр: 1000-умин бозии Мессӣ

Аргентина дар бозии 1/8 ниҳоии Ҷоми ҷаҳонии футбол дар Қатар бар Австралия пирӯз шуд. Вохӯрӣ бо ҳисоби 2:1 анҷом...

iPhone 15 Pro бо муқоваи титанӣ ва кунҷи мудаввар

iPhone 15 Pro тарҳи навашро таҳия кардааст. Mydrivers тасвирҳои воқеиро нашр кард, ки шакли ин телефонҳо чӣ гуна хоҳад...

Softclub барои ангезадиҳӣ шогирдонро бо мутахассисони Apple, Amazon ва Microsoft рӯ ба рӯ мекунад

Маркази омӯзишии “Softclub” барои ангеза додани шогирдон онҳоро бо мутахассисони ширкатҳои машҳур-Apple, Amazon ва Microsoft рӯ ба рӯ мекунад....

$ 30 миллиард барои корхонаи тавлидкунандаи чип

Ширкати амрикоии Intel барои бунёди як корхонаи нави тавлиди чип дар Аризона 30 миллиард доллар дарёфт кард. Дар ин...
spot_imgspot_img

2 декабр: Сербия ва Уругвай аз гуруҳҳо берун шуданд

Рӯзи 2-юми декабр бозиҳо дар гуруҳҳои G ва H ба анҷом расида, тимҳои Сербия ва Уругвай бо ба даст...

Поёни марҳилаи се: Олмону Белгия майдонро тарк карданд

Рӯзи 1-уми декабр бозиҳои даври 3-юми марҳилаи гурӯҳии Ҷоми ҷаҳонии футбол-2022 дар Қатар ба анҷом расид, ки дар он...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад