Муовини додситони кулли Қазоқистон Асет Чиндалиев гуфт, истирдоди хакери рус Никита Кислитсин метавонад беш аз як сол тӯл кашад. Дар ин бора манбаи orda.kz-и Қазоқистон хабар додааст.
Ба гуфтаи Чиндалиев, тафтиш то истирдод то як сол давом мекунад. Он омӯзиши тамоми далелҳои мавҷудаи тарафҳо дар мавриди истирдоди шахсро дар бар мегирад.
Кислитсин рӯзи 22 июн дар фурудгоҳи Алмаато боздошт шуд. Дар Русия ӯ ба дастрасии ғайриқонунӣ ба маълумоти аз ҷониби қонун ҳифзшавандаи компютерӣ, инчунин тамаъҷӯӣ, ки аз ҷониби як гурӯҳи шахсон бо маслиҳати пешакӣ ташкил шудааст, муттаҳам мешавад. Мақомоти ҳифзи ҳуқуқи Русия ин ҳакерро ба рӯйхати кофтукови федералӣ гузоштаанд. Аммо вай бо дархости Иёлоти Муттаҳида боздошт шуд, ки Кислитсинро дар рахна кардани шабакаи иҷтимоии Formspring дар соли 2012 ва дуздии маълумоти корбарони он гумонбар медонад.
Қаблан мушовири консулгарии Русия дар Алмаато Артем Оганов гуфта буд, мӯҳлати даъво барои ҷинояте, ки Иёлоти Муттаҳида Кислитсинро муттаҳам медонад гузаштааст.
