Муштзани тоҷик Руҳафзо Ҳақназарова (вазни 50кг) дирӯз, 12 май дар Чемпионати ҷаҳон намояндаи Боливия Айда Санталларо шикаст дод. Дар ин бора Кумитаи олимпии Тоҷикистон хабар медиҳад.
Чемпионати ҷаҳон оид ба бокс миёни бонувон дар шаҳри Истанбули Туркия 9-уми май шуруъ гардид ва то 21 май идома мекунад. Дар чемпионат 310 варзишгар аз 73 давлат ширкат дошта, Тоҷикистонроморо дар ин мусобиқаи бонуфуз ба ғайр аз Руҳафзо инчунин Сумайя Қосимова (48кг), Руҳафзо Ҳақназарова (50кг), Миҷгона Самадова (57кг) ва Шоира Зулқайнарова (63кг) намояндагӣ мекунанд. Шоира низ дар даври аввал бар намояндаи Ковейт Ҷ. Нура пирӯз гардида буд.
Сумайя Қосимова дар вазни 48кг дар даври аввал аз Севда Асенова (Булғория), Миҷгона Самадова (57кг), ки дар даври аввал озод буд, дар даври дуюм аз Йу Тинг-Линг (Тайпей) мағлуб шуда, аз идомаи муҳорибаҳо маҳрум гардиданд.
Руҳафзо Ҳақназарова дар даври дуюм бо варзишгари Колумбия Ингрит Лорена Викториа рақобат менамояд. Ҳарифи Шоира Зулқайнарова дар даври дуюм Ҳадунг Ҷионг аз Корея мебошад. Ҳар ду муҳориба 15 май сурат мегирад.
