Давоми се моҳи соли равон дар даври минтақавии олимпиадаҳои фаннӣ аз шаҳру ноҳияҳои тобеи марказ 3471 нафар ширкат, 454 хонанда ғолибият ба даст оварданд. Аз теъдоди умумии ғолибон 98 нафар сазовори медали тилло, 131нафар медали нуқра ва 225 нафар сазовори медали биринҷӣ гардиданд.
Дар ҷаласаи ҳайати мушовараи Вазорати маориф ва илм, ки 12- апрели соли ҷорӣ доир гардид, иттлоъ дода шудааст, ки дар даври ҷумҳуриявии олимпиадаҳои фаннӣ аз фанҳои табиӣ-риёзӣ (математика, физика, химия, биология ва география) барои хонандагони синфи 11 муассисаҳои таҳсилоти умумии ҷумҳурӣ 553 нафар иштирок ва аз ин шумора 291 нафар аз муассисаҳои таҳсилоти умумӣ ва 242 нафар аз муассисаҳои таҳсилоти умумии типпи нав мебошанд. Натиҷаи ҷамъбасти олимпиадаҳои мазкур нишон дод, ки аз шумораи умумии иштирокчиён 192 нафар сазовори ҷойҳои ифтихорӣ гардидаанд. Аз ҷумла, 28 нафар сазовори медали тилло, 52 нафар медали нуқра ва 112 нафар сазовори медали биринҷӣ гардидаанд.
Акс аз интернет
