БИЗНЕС-КЛУБЧанд мушкили тарабхонаҳо аз нигоҳи муассиси тарабхонаи "Sait Efendi"...

Чанд мушкили тарабхонаҳо аз нигоҳи муассиси тарабхонаи «Sait Efendi» (Видео)

-

Ғавғову бӯйи нофорами ошхона, ноогоҳии муассисони тарабхонаҳо аз соҳа, нақши калидии пешхизмат дар тарабхонадорӣ мавзӯҳое буданд, ки Тоҷидин Ҷалолов, директори Тарабхонаи туркии “Sait Efendi” бобати онҳо дар Форуми рестораторон изҳори назар кард.

Станислави бузург гуфтааст, театр аз либосовез (вешалка) оғоз мегардад.

Пас аз тарабхона аз чӣ оғоз мегардад. Ба андешаи ман тарабхона аз пешхизмат! Шояд ба ин андеша аксарият розӣ набошанд. Лекин ман ҳамчун мудир ба ин фикрам, ки аз пешхизмат! Чаро?!

Агар сайри таърихӣ намоем, пешхизмат ҳамчун шуғл 6 ҳазор сол қабл ба вуҷуд омадааст ва маконаш Мисри қадим аст, ки ба Фиръавн ғизо пешкаш мекарданд.

Чаро?

Зеро, ӯ фарзанди Худо гуфта мешуд!

Дар акс дида мешавад, ки ҳамаи онҳо барои фарзанди Худо дар рӯи замин хидмат мекарданд, одамони махсуси омӯзишдида ва бо либоси махсус буданд, ки хидматрасонӣ мекарданд…

Агар ба Аврупо бингарем, аввалин тарабхонаҳо дар Аврупо пайдо шудаанд. Дар Русия миёнаи асри 19 пайдо шуд…

Симои зоҳирии пешхизмат муҳим буда, дар ҳама давру замон пешхизматҳо либоси махсус доштанд ва дастпӯши сафед ва бо риши тарошида ва мӯйи сари кутоҳкарда зуҳур мекарданд. Имрӯзҳо ин раванд тағйир меёбад. (механдад)  

ЧАНД МУШКИЛИ ТАРАБХОНАВУ ТАРАБХОНАДОРӢ

Ғавғо

Мехоҳам дар бораи ҳузури меҳмонон ба тарабхона бигӯям. Ҳамарӯза ҳар яки мо ба ин ё он  мушкил рӯ ба рӯ мешавем. Хизматрасонӣ ё ресурси ин ё он муассиса бароямон маҳқул намешавад. Далели дигар садо ё ғавғост. Гоҳо кормандони тарабхона мағал мебардоранд, бо телефон суҳбат мекунанд ё бо ҳамкоронашон суҳбат мекунанд, ки вазъи нороҳаткунандаро фароҳам мекунанд. Ё ҳайате аз меҳмонон бо ғавғо ё садои баланд табъи дигар меҳмононро хира мекунанд.

Бӯйи нофорами ошхона

Гоҳо аз ошхона бӯйи бегона ба машом мерасад, ки барои меҳмон хушоянд нест. Зеро, либоси гарон ба бар карда ва атри гаронбаҳо ба тан пошида, аммо дар тарабхона бӯйи баде ба баданаш мешинад.

Ҳолати дигар сигоркашии баъзе аз меҳмонон аст. Дар баъзе аз муассисаҳо сигоркашӣ иҷоза ва дар баъзе иҷозат нест. Агарчи дар қонунгузорӣ маҳдудият ҷорӣ гардидааст, вале барои баъзе меҳмонон ин талабот истисност. Тиреза боз мекунем, дар айвон иҷоза медиҳем, мехоҳем барои меҳмонамон шароити мусоид фароҳам орем.

Ноогоҳӣ аз қоидаҳои тарабхонадорӣ

Омили дигар ин аст, ки вақте тарабхона боз мекунанд, мутахассис ҷалб наменамоянд. Ба андозаи фаҳмиш, табъу завқи хеш онро бунёд мекунанд. Агарчи бо шароити хуб бунёд мешавад, вале ошхона ба талабот ҷавобгӯ нест…

Набудани мутахассис боиси аз даст рафтани муштарӣ мегардад

Агар муассиса технолог, мутахассис надошта бошад, ки аз стандатрҳо огоҳ бошад, харҷу дахл, муҳосиботро  донад, мо албатта меҳмонони худро аз даст медиҳем. Масъаллаи дигар ҳолати санитарӣ аст, ки тарабхона бояд тоза бошад.

Тарабхона бояд таваққуфгоҳ дошта бошад

Тарабхона бояд таваққуфгоҳ дошта бошад. Дар сурати набудани таваққуфгоҳ меҳмон худро нороҳат эҳсос мекунад.

Пешхизмат чӣ гуна бошад?

Пешхизмат бояд чи кореро анҷом дода тавонад?

Ба андешаи ман ӯ мутахассис ва дар умум бояд чеҳраи калидӣ бошад. Симои зоҳирии пешхизмат муаррифгари муассиса бошад Чунки ӯ пайвандгари меҳмон бо ошхона ва маъмурияти тарабхона аст.

Замони дар толор будани пешхизмат чи чиз барояш мумукин нест?

Бо шахсони бегона суҳбат накунад, сақич нахояд, дастонашро дар ҷайбаш нагузорад. Бо телефон суҳбат накунад.   

Ду меъёр барои пешхизмат ҳатмист. Якум: дар миз набояд чизе зиёдатӣ ё нолозим бошад.

Дуюм: пешхизмат чизеро пешниҳод кунад, ки ба фоидаи тарабхона бошад.

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
6
+1
1
+1
0
+1
0
+1
0
+1
0
+1
0

ХАБАРҲОИ ОХИРИН

Huawei Watch 4 қанди хунро маълум мекунад

Huawei Watch 4, аввалин соатҳои ҳушманди маълумкунандаи қанди хун дар ҷаҳон акнун фурӯхта мешавад. Дар ин бораи Huawei Central иттилоъ...

Иштироки беш аз 20 корхонаи нассоҷӣ дар UzTextile Expo

Намояндаи 23 корхонаи нассоҷӣ ва дӯзандагии Тоҷикистон барои омӯзиши равандҳои нав, харидории маводи хоми лозима ба монанди риштаи омехта...

Баҳодур Усмонов №4 дар IBA

Пас аз Чемпионати ҷаҳон-2023 дар Тошканд ҷадвали  раддабандии Анҷумани байналмилалии бокс (IBA) нав шуд. Дар раддабандии нав муштзани тоҷик...

Super VPN кадом маълумотро ифшо кард

Super VPN маълумоти ҳамаи корбарони хадамоташро ифшо кардааст.  Муҳаққиқи ҷиноётҳои сайберӣ Ҷереми Фаулер як маҳзанеро  ошкор кард, ки дорои беш...
spot_imgspot_img

Изҳороти сарони AI: хатари зеҳни сунъӣ аз пандемия ва ҷангҳои ҳастаӣ кам нест!

Сарони бузургҷуссаҳои соҳаи зеҳни сунъӣ ҳушдор доданд, ки зеҳни сунъӣ ба инсоният таҳдид мекунад ва бояд ҳамчун хатар дар...

Go Viral 2023: илҳом ва ҷалб

Мавзӯи "Go Viral 2023: Илҳом ва ҷалб" буд. Дар ҷашнвора беш аз 30 мутахассис аз ширкату созмонҳои гуногун, аз...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад