Ҳоло дар Тоҷикистон 4421 нафар унвондор фаъолият менамояд, ки аз онҳо 839 нафар доктори илм ва 3582 нафар номзади илм будаанд. Аз ин шумора дар муассисаҳои таҳсилоти олии касбӣ ва илмии кишвар 4312 нафар соҳиби унвони илмӣ буда, аз онҳо 824 нафар доктори илм ва 3488 нафар номзади илм фаъолият мекунанд. Айни замон дар ҷумҳурӣ 54 шӯрои диссертатсионӣ амал менамояд, ки аз ҷониби Комиссияи олии аттестатсиони назди Президенти Тоҷикистон ба қайд гирифта шуда, аз рӯи 145 ихтисосҳои анъанавӣ ва 122 ихтисосҳои доктори фалсафа (PhD) рисолаҳои номзадӣ ва докториро ба ҳимоя қабул менамоянд. Дар шӯроҳои мазкур то имрӯз 1082 нафар рисолаҳои илмии худро дифоъ намуда, аз ҷониби Комиссияи олии аттестатсионии назди Президенти Ҷумҳурии Тоҷикистон тасдиқ гардидаанд. Аз ҷумла, дар самти илмҳои табиӣ-риёзӣ ва техникӣ ҳамагӣ 245 нафар, ки аз ин шумора 218 рисолаи номзадӣ, 21 рисолаи докторӣ ва 6 рисолаи доктори фалсафа, аз рӯйи ихтисос (PhD), дар самти илмҳои ҷамъияти гуманитарӣ ҳамагӣ 657 нафар, ки аз ин шумора 575 рисолаи номзадӣ, 51 рисолаи докторӣ ва 31 рисолаи доктори фалсафа, аз рӯйи ихтисос (PhD) ва дар самти илмҳои тиббӣ, байторӣ, фарматсевтӣ ва аграрӣ ҳамагӣ 180 нафар ҳимоя кардааст, ки аз ин шумора 157 рисолаи номзадӣ, 18 рисолаи докторӣ ва 5 рисолаи доктори фалсафа, аз рӯйи ихтисос (PhD мебошад.
