Аз аввали соли 2021 1059 нафар хонандаи боистеъдоди макотиби миёна дар 36 олимпиадаҳои сатҳи умумиҷаҳонӣ ва байналмилалӣ, ки дар давлатҳои Ҷопон, Сингапур, Португалия, Туркия, Қазоқистон, Беларус, Тайланд, Федератсияи Русия, Малайзия, Руминия, Италия, Латвия, Маҷористон, Англия, Ӯзбекистон, Фаронса, Африқои Ҷанубӣ, Озарбойҷон, Амороти Муттаҳидаи Араб ва Кореяи Ҷанубӣ баргузор гардиданд, иштирок ва сазовори 648 ҷойи ифтихорӣ, аз ҷумла 79 медали тилло, 190 медали нуқра ва 379 медали биринҷӣ гардиданд.
Инчунин хонандагон аз муассисаҳои таълимӣ тариқи фосилавӣ дар олимпиадаҳои байналмилалӣ иштирок карда, 798 хонанда дар 14 олимпиадаи фосилавӣ сазовори 523 ҷойи ифтихорӣ (53 медали тилло, 149 медали нуқра ва 321 медали биринҷӣ) гардиданд.
Дар баробари ин, хонандагони дар Олимпиадаи байналмилалии «Дониш» -Анталия (биология, география, забони русӣ, забони англисӣ ва ғайра), олимпиадаҳои лоиҳавии Авроосиёии даставии барномасозӣ барои хонандагон ва Олимпиадаи байналмилалии Ҷумҳурии Қазоқистон “Жалдосбек” иштирок намуда, сазовори 76 ҷойи ифтихорӣ (20 медали тилло, 27 медали нуқра ва 29 медали биринҷӣ) гардиданд.
