Ширкати бузурги мошинсозии Bentley эълон кард, ки миллиардҳо долларро барои суръат бахшидан ба нақшаи рушди мошинҳои электрикии худ сарф мекунад ва ба дигар брендҳои автомобилӣ, ки аз муҳаррикҳои бензинӣ дур мешаванд, ҳамроҳ мегардад.
Ширкати мошинсозии бритониёии Bentley Motors тасмим гирифтааст, ки то соли 2030 танҳо мошинҳои электрикӣ истеҳсол кунад ва ба ин мақсад 2,5 миллиард фунт стерлинг (тақрибан 3,4 миллиард доллар) ҷудо менамояд.
Bentley, ки ба ширкати автомобилсозии олмонии Volkswagen тааллуқ дорад, ҳадафи барқӣ кунонидани худро дар соли 2020 ҳамчун як қисми асосии нақшаи табдили тиҷоратии «Beyond100» эълон карда буд.
Bentley сарфи назар аз мушкилот, соли дуюм пайи ҳам рекорди фурӯши мошинро шикастааст. Ширкат дар соли гузашта 14,659 мошин фурӯхтааст, ки ин аз рекорди соли 2020, ки 11,206 мошин буд, 31% зиёдтар мебошад.
Акс аз https://www.cnbc.com/
