Меҳрангез ва Амирҷон ду тан иштирокчии Олимпиадаи байналмилалии “COPERNICUS” аз «Литсей барои хонандагони болаёқат»-и шаҳри Хуҷанд ҳастанд, ки ахиран бо медал ба Ватан баргаштанд.
Олимпиадаи “COPERNICUS” аз фанҳои табиатшиносӣ, физика ва нуҷум рӯзҳои 8 – 16-и январи соли равон дар Осорхонаи илми ва фановарии шаҳри Ҳюстини Иёлоти Техаси Амрико доир гардид.
Дар Олимпиадаи “COPERNICUS” 2000 довталаб аз 50 кишвар ширт варзиданд. Аз Тоҷикистон 15 донишомӯз- 9 хонандаи Мактаби байналмилалии Президентӣ аз шаҳри Душанбе ва 6 нафар хонандаи Литсей барои хонандагони болаёқати шаҳри Хуҷанд дар олимпиадаи мазкур ширкат варзиданд.
Аз 6 иштирокчии Литсей барои хонандагони болаёқати шаҳри Хуҷанд як нафар ҷойи дуюм ва панҷ нафар мақоми сеюмро ишғол намуданд.
Донишомӯзони Литсей барои хонандагони болаёқати шаҳри Хуҷанд -Меҳрангез Абдуллоева аз фанни нуҷум ва Амирҷон Абдуллозода аз фанни физика дар олимпиада мақоми сеюм ва соҳиби медал гардиданд.
Ҳарду аз сафари Амрико таассуроти хубе бардоштаанд. Барояшон Иёлоти Техас ва осорхонаи Бостон хеле писанд омадааст. Бо иштирокчиёни Олимпиада аз дигар кишварҳо дар бораи зебоиҳои Тоҷикистон низ нақл кардаанд.
“Паҳлӯи дигари фаромӯшнашудании олимпиада ин буд, ки мо бо соҳибзабонон англисӣ суҳбат карда, малакаи суханвариамонро сайқал додем. Ният дорем, ки баъди хатми Литсей таҳсилро дарДонишгоҳҳои Амрико давом диҳам.”, — гуфтанд Меҳрангезу Амирҷон дар суҳабт бо мо.
Файзуллохон Обидов
