Абдулло Қурбонов, яке аз муассисони Алиф Бонк аз корнамоии ду ҳамкораш қисса кардааст, ки чӣ гуна лабхандро барои кӯдакони муштарии ин бонк баргардониданд.
Муштарии Алиф мехостааст тариқи корти «Салом» барои кӯдаконаш туҳфаи солинавӣ харидорӣ намояд, аммо баъди навбатпоиҳои зиёд ва расидан ба назди фурӯшанда мефаҳмад, ки маблағи корт нокифоя аст ва ноумед ба хона бармегардад.
«Соат 9-и шаб мешавад. Ду нафар аз ҳамкоронамон — Ромизу Анвар, ки тамоми рӯз дар ҳамон мағоза ба мизоҷон хизмат мерасонданд он мизоҷу тифлаконро фаромӯш карда натавонистанд. Онҳо як ташаббуси ғайриоддиеро пеш гирифтанд — розигии роҳбари худро гирифта, ҳамон туҳфаҳоро аз ҷониби Алиф харида, либоси бобои барфиро пӯшида, ба роҳ мебароянд.
Баъд аз ҷустуҷӯҳо, ниҳоят, соати 10-и шаби ҳамон рӯз, хонаи мизоҷамонро пайдо мекунанд… Ромиз ва Анвар барои интизории тӯлонӣ ва камбудиҳо бо лимити корти «Салом» аз мизоҷамон узр мепурсанд ва туҳфаҳоро ба кӯдакон месупоранд.»-чунин қисса кардааст Абдулло Қурбонов дар саҳифаи фейсбукиаш.
