МУВАФФАҚИЯТПадари Мунису Абубакр: кулли дороиямро барои рушди онҳо фурӯхтам!

Падари Мунису Абубакр: кулли дороиямро барои рушди онҳо фурӯхтам!

-

Мунису Абубакр бо медалу камарбандҳояшон (акс аз бойгонии хонавода)

Муниси 9-сола то имрӯз 59 медали тилло  ва бародараш Абубакри 8-сола 36 медали тилло ба Ватан овардааст.

Мунис то ҳол шикаст нахӯрдааст. Агарчи ахиран дар шаҳри Абу‑Даббии Аморати Муттаҳидаи Араб бо бародараш Абубакр ӯро рӯ ба рӯ карданд, вале Абубакр дасти бародарашро боло карда, аз рақобат даст кашид:

“Ман нахостам рекорди акаамро шиканам. Барои эҳтироми акаам, дасти ӯро баланд бардоштам.”,‑нақл мекунад Абубакр.

Авазхуҷа Каримов падари ин наврасон ба хотири фарзандон ҳама дороиашро фурӯхт то онҳо рушд кунанд.

 “Ман ба хотири фарзандонам ба хотири ватанам кулли дороиямро фурӯхта ба Федератсияи Русия рафтам. Дар аввал давоми 6 моҳ дар хона бо онҳо тамрин мекардам. Баъдан онҳоро ба мактаби варзишии  Расул Боқиев супоридам. Онҳо дар аввал аз риштаи ҷудо машқро шурӯъ карданд ва чанд муддат зери назари Артём Сергеевич бо ин намуди варзиш машғул шуданд. Баъдан ба хулосае омадам, ки фарзандонамро ба намуди варзише ҷалб намоям, ки дар арсаи ҷаҳон давлати Тоҷикистон намояндае надорад.  Пас аз ин дар риштаи Ҷиу‑ҷитсу машқу тамрин намуданд.”‑қисса кард Авазхуҷа Каримов падари ин ду наврас.

Мунис (вазни 24кг) дар мусобиқаҳо байни наврасон то имрӯз 50 пирӯзӣ насибаш гашта, ба Ватан  59 медали тилло овардааст. Абубакр бародари хурди Мунис то имрӯз 40 ғалаба ва 36 медали тилло ба даст овардааст. Ҳардуи онҳо дар арсаи ҷаҳон аз номи Тоҷикистон баромад намуда, парчами кишвар баланд мебардоранд. Мунис ва Абубакр дар 95 медали тилло ва 20 камарбанди қаҳрамонӣ аз риштаи варзиши Ҷиу‑ҷитсу доранд.

Падари онҳо дилбохтаи футбол мебошад. Ӯ ба ин навъи варзиш шавқу рағбати зиёд дошт ва 7 сол футбол бозӣ кард. Пас аз муддате ба хулосае меояд, ки бо футбол наметавонад парчами Тоҷикистонро дар арсаи ҷаҳон баланд бардорад. Ӯ тасмим гирифт фарзандонашро ба варзише ҷалб намояд, ки  дар Тоҷикистон рушд накардааст. Ҳардуи фарзандонашро,ки он замон 5 ва 4-сола буданд, ба риштаи Ҷиу‑Ҷитсу  ҷалб намуд.

То имрӯз ин варзишгарони наврас зери назари се муррабӣ тамрин кардаанд, ки яке аз онҳо варзишгари номии Тоҷикистон Расул Боқиев аст.

Бародарон Мунису Абубакр бо устодашон Расул Боқиев

 

 “Ман дар дунёи варзиш Ҳабиб Нурмагамедовро дӯст медорам ва мехоҳам мисли ӯ ҳамаи рақибони худро шикаст дода, парчами Тоҷикистонро дар UFC баланд бардорам. ”‑мегӯяд Мунис.

Ҳоло ин ду қаҳрамони навраси тоҷик ба мусобиқаҳои Осиё ва Аврупо, ки баҳори соли 2022 ба нақша гирифта шудааст, омодагӣ мебинанд. 

Шаҳноз Ализода

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
41
+1
18
+1
0
+1
0
+1
0
+1
0
+1
2

ХАБАРҲОИ ОХИРИН

Андозбандии ҳар метри мураббаъ тибқи фармоиши нав

Тибқи фармоиши нави Кумитаи андоз ҳар метри мураббаъ дар сохтмонҳо тибқи ҷадвале андозбандӣ мегардад, ки нархи миёнаи он дар...

Касперский: қаллобон маълумоти шуморо аз почтаи электронӣ медузданд

Қаллобон худро менеҷерони фурӯш вонамуд мекунанд ва маълумоти шуморо аз почтаи электронӣ медузданд. Дар ин бора "Лабораторияи Касперский" хабар...

Корбарони Telegram барои тӯҳфаҳо дар 30 дақиқа беш аз 1 миллион доллар сарф карданд.

Корбарони Telegram барои тӯҳфаҳо дар 30 дақиқа беш аз 1 миллион доллар сарф карданд. Корбарони мессенҷери Telegram дар 6 дақиқа...

TikTok дар Амрико дастрас шуд

Мағозаҳои онлайнии Apple App Store ва Google Play барномаи TikTok-ро барои корбарони ИМА пас аз масдудшавӣ дубора барқарор карданд. Вале...
spot_imgspot_img

Telegram кор бо видеоро беҳтар кард

Таҳиягарони Telegram навсозии миқёсиро пешниҳод каранд, ки ҳадафи он беҳтар шудани кор бо видео мебошад. Акнун видео-плейери дарунсохт (встроенный)...

Мутахассис: «аксари занону кӯдакони баргашта ҳамоно эҳсоси танҳоӣ мекунанд…»

Чӣ гуна дастгирии иҷтимоии занон ва кӯдакони аз минтақаҳои ҷангӣ баргардонидашуда дар шаҳри Душанбе муҳокима шуд.  Ҳадаф аз ин чорабинӣ,...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад