Карикатураҳои Насиба бозгӯи мушкилоти рӯзанд

Бонувони рассом одатан гулу бутта ва манзараҳои ҷаззобро тасвир мекунанд. Аммо қаҳрамони мо — Насиба карикатура мекашад ва мушкилиҳоро тариқи тасвирҳояш ба ҷомеа нишон медиҳад. Муҳтавои аксҳои ӯ амалҳои номатблуб, порахӯрӣ, дуздӣ, ноадолатӣ ва ғайра ҳастанд.

Насиба Назарзода 25 сол дошта,  кораш рассомист. Дар аввал ба рассом шудани Насиба аҳли оила зид буданд, падараш бештар. Зеро, хуб медонист, ки рассомӣ кори пурмашаққат аст. Вале Насиба  аз овони кӯдакӣ шавқи рассом шуданро дар дил мепарварид. Чун модараш рассомӣ ва гулдӯзӣ мекард ва ин корҳоро барои талбагони синфҳои поёнӣ меомӯхт. Меҳри Насиба низ ба рассомӣ афзӯду қалам ба даст гирифт.

Насиба пас аз хатми синфи 9 ба Коллеҷи рассомии ба номи Мирзораҳмат Олимов дохил шуда, пас аз хатми он ба шӯъбаи ғоибонаи Донишкадаи давлатии санъати тасвирӣ ва дизайни Тоҷикистон ҳуҷҷатҳояшро месупорад. Соли гузашта донишкадаро Насиба бо муваффақият хатм кард ва ҳоло чанд шогирд ҳам дорад…

Насиба бо роҳнамоии устодаш Санавбар Ҳақдодова ба маҷаллаи “Хорпуштак” ба кор омадааст ва 6 сол аст, ки дар ин маҷалла рассомӣ мекунад. Асосан карикатура мекашад ва дар ҳар шумораи маҷаллаи  “Хорпуштак” 5-6 тасвираш нашр мешаванд.

Насиба ба ҷуз карикатура, инчунин портрет мекашад ва муқоваи китоб таҳия мекунад, ки ин инҳо манбаи иловагии даромадаш маҳсуб мешаванд.

Ҳафизуллоҳ Тоҳирӣ

ПИСАНД ОМАД? БО ДӮСТОНИ ХУД МУБОДИЛА КУНЕД!
Like
Love
Haha
Wow
Sad
Angry
Хабари баъдиро пайгирӣ кунед!
Close
Back to top button