Як қатор аз роҳбарони кишварҳои аврупоӣ аз нақшаи қатъи ҷанг байни Исроил ва ҲАМОС дар навори Ғазза ҳимоят кардаанд.
«Ман ӯҳдадории президенти Трампро барои хотима додани ҷанг дар Ғазза ва раҳоии ҳамаи гаравгонҳо истиқбол мекунам.», — навиштааст Макрон дар шабакаи иҷтимоии X.
Нахуствазири Британия Кир Стармер низ нақшаро дастгирӣ намудааст. Вазири корҳои хориҷии Олмон Йоханн Вадефул гуфтааст, ки нақшаи сулҳи Трамп «имконияти нодир» барои хотима додани ҷанги даҳшатнок дар Ғазза аст. Ҳукумати Италия таҳти роҳбарии Ҷорҷия Мелонӣ низ аз тарафҳо хостааст, ки «аз ин имконият истифода баранд ва нақшаро қабул кунанд».
Раиси Шӯрои Аврупо Антониу Кошта навиштааст: «Вазъ дар Ғазза таҳаммулнопазир аст. Ҷанг бояд хотима ёбад ва ҳамаи гаравгонҳо фавран озод карда шаванд».
Қишварҳои арабӣ ва исломӣ аз қабили Саудӣ, Урдун, АМА, Индонезия, Покистон, Туркия, Қатар ва Миср бо нашри баёнияи муштарак «саъйи самимии» Доналд Трампро барои қатъи ҷанг истиқбол намуда, изҳори боварӣ карданд, ки ӯ қодир аст роҳи сулҳро пайдо кунад.
Онҳо омодагии худро барои ҳамкорӣ бо ИМА ва ҷонибҳои даргир барои расидан ба созиш ва татбиқи он эълон намуданд, то сулҳ, амният ва субот дар минтақа таъмин гардад.
дар давоми 72 соат пас аз қабули нақша аз ҷониби Исроил, ҳамаи гаравгонҳои исроилӣ, ки ҲАМОС нигоҳ медорад, озод карда мешаванд;
