Нашрияи «Известия» хабар медиҳад, ки Вазорати рушди рақамии Русия эҳтимоли ҷорӣ кардани нишонагузории ҳатмии дипфейкҳо-ро дар ҳудуди кишвар баррасӣ мекунад.
Айни ҳол, вазорат таърифи ҳуқуқии мафҳумҳо ба монанди «дипфейк», «зеҳни сунъӣ» ва «муҳтавои синтетикӣ»-ро таҳия намуда истодааст. Мақсад аз ин кор таҳияи заминаи ҳуқуқӣ барои муайянсозии қонуншиканиҳое мебошад, ки бо истифода аз технологияҳои зеҳни сунъӣ (AI) анҷом дода мешаванд.
Вазорати рушди рақамии Русиява Роскомнадзор аллакай рӯи пешниҳодҳое кор мекунанд, ки ба нишонагузорӣ (маркировка)-и муҳтавои рақамие рабт доранд, ки бо истифода аз технологияҳои иттилоотӣ ва аз ҷумла бо воситаи зеҳни сунъӣ ва ҷойгузинии рақамии чеҳраҳо дар акс ва видео эҷод шудаанд.
Гуфта мешавад, дар оянда таҳияи дипфейк бе ризоияти шахс метавонад ҳамчун ҷиноят шинохта шавад ва ҷавобгарии ҷиноятӣ дар пай дошта бошад.
Пештар, намояндагони бонки «Сбер» изҳор доштанд, ки дар наздиктарин моҳҳо ният доранд 100% шинохти дипфейкҳоро таъмин кунанд.
