Чат-боти дорои зеҳни сунъӣ Grok, ки аз ҷониби ширкати xAI таҳия шудааст, ба корбарони Telegram дастрас шуд. Дар ин бора поягузори и xAI Илон Маск дар шабакаи иҷтимоии X хабар дод.
Аммо на ҳама, балки танҳо соҳибони обунаи Telegram Premium аз имкониятҳои шабакаи нейронӣ истифода бурда метавонанд.
Стартапи зеҳни сунъии xAI аз ҷониби Маск дар соли 2023 таъсис дода шудааст. Соли гузашта, зимни суханронӣ дар конфронси Tesla, соҳибкор дар бораи иқтидори xAI дар рушди технологияҳои ронандагии автономӣ, сохтани марказҳои коркарди маълумоти насли нав ва ҳамгироӣ бо нармафзори Tesla изҳор дошт.
ХAI оид ба ҷалби сармоягузориҳо ба маблағи 10 миллиард доллар гуфтушунид мебарад. Тибқи ҳисобҳо, ин маблағгузорӣ имкон медиҳад, ки стартап тақрибан 75 миллиард доллар арзёбӣ шавад.
