Роҳбарияти дастаи “Равшан”-и Кӯлоб ва довари тоҷик Сайёдҷон Зайнуддинов ба аёдати собиқ футболбози узбекистонии дастаи «Равшан» Сайриддин Ғафоров ба деҳаи Сари Осиёи вилояти Сурхандарё рафтаанд.
Вазъи сиҳати Сайриддин ногувор буда, рӯйи бистари беморист ва дуруст сухан гуфта наметавонад. Ӯ гирифтори бемории склерози паҳлӯии амиотрофӣ (Боковой амиотрофический склероз) буда, соли сеюм аст, ки ба ин ранҷ мубориза мебарад.
Сайриддин 3 фарзанд (ду духтар ва як писар) дошта ҳамроҳ бо падару модар зиндагӣ мекунад. Агарчӣ ҳамсар ва падару модараш аз ӯ хуб парасторӣ мекунанд, вале табобат Сайриддин масрафи зиёд дошта, ба дастгирӣ ниёз дорад.
Роҳбарияти дастаи “Равшан”-и Кӯлоб аз ҳисоби сарпарастони дастаи “Равшан”-и Кӯлоб ба Сайриддин кумаки молӣ намуда, ваъда мекунанд, ки дар оянда боз ба собиқ футболбози худ кумаки бештар хоҳанд расонд.
«Айни замон дар Тоҷикистон гурӯҳе аз мардуми хайрхоҳ аз ҷумла мухлисони футболи тоҷик барои Сайриддин аксия ташкил намудаанд, ки дар сурати ҷамъ шудани маблағ дӯстони мо ба айёдати ӯ ва дидорбиниаш мераванд.»,-навиштааст Диловар Қурбонов, як истифодабарандаи фейсбук.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
1
+1
+1
+1
+1
+1
+1
