Мақомоти маҳаллии Чин ба ҷорӣ кардани зеҳни сунъии ширкати DeepSeek барои дастгирии кадрҳои роҳбарикунанда дар қабули қарорҳо шурӯъ карданд. Дар ин бора нашрияи чинии «Пэнпай» хабар медиҳад.
Дар ҷаласаи роҳбарияти минтақаи шаҳрии Лайбин дар ноҳияи Гуанси-Чжуан қайд карда шуд, ки кадрҳои роҳбарикунанда дар ҳама сатҳҳо бояд фаъолона технологияҳои навро, аз ҷумла моделҳои AI, ба монанди DeepSeek, барои қабули қарорҳо, таҳлил ва ҳалли мушкилот аз худ кунанд. Мансабдорон ба истифодаи «мағзи инсон + зеҳни сунъӣ» барои баланд бардоштани сифат ва самаранокии кор даъват карда шуданд.
Мақомоти вилояти Ҳенан низ ба зарурати омӯзиш ва истифодаи моделҳои AI, ба монанди DeepSeek, барои дастгирии қабули қарорҳо таваҷҷуҳ зоҳир карданд.
Тибқи иттилои Global Times, мақомоти Шенчжен 70 хадамоти рақамии бар AI асосёфтаро аз DeepSeek барои баланд бардоштани самаранокии равандҳои маъмурӣ ҷорӣ карданд. Ин навоварӣ имкон дод, ки вақти эҷоди мундариҷаи фардӣ аз панҷ рӯз ба чанд дақиқа кам карда шавад, дақиқии коркарди дархостҳо то 95% баланд бардошта шавад ва иҷрои саривақтии хадамот 25% беҳтар карда шавад.
Ин дар ҳолест, ки Италия, Австрия, Кореяи Ҷанубӣ истифодаи DeepSeek-ро дар ниҳодҳои давлатӣ манъ кардаанд.
