Комила Валиева, конкитози рус метавонад 24 декабри соли 2025 ба мусобиқа баргардад.
Ин дар ҳолест, ки охири моҳи январи соли равон як манбаъ аз Додгоҳи ҳакамии варзиш (CAS) ба The Times иттилоъ додааст, ки варзишгари рус Комила Валиева қасдан допинг истифода накардааст.
Ба гуфтаи ин манбаъ, комиссияи CAS ба хулосае омадааст, ки Валиева ба эҳтимоли зиёд қасдан фиреб надодааст.
Ёдовар мешавем, ки қаблан CAS тасмим гирифт, ки варзишгари русро барои нақзи қоидаҳои зиддидопинг чаҳор сол аз ҳаққи иштирок дар мусобиқот маҳрум кунад.
Тутберидзе, мураббии ин яхмолакбоз ахиран гуфт, бисёр саволҳо дар қазияи Валиева беҷавоб мондаанд.
Комила Валиева ба далели санҷиши мусбати допинг, ки дар ҷараёни Бозиҳои соли 2022 дар Пекин маълум шуд, аз тиллои олимпӣ маҳрум шуд. Дастаи яккачини Русия оид ба яхмолакбозӣ ҳамроҳ бо Валиева дар мусобиқаи дастаӣ аз тилло маҳрум ва ҳамчунин ӯ аз унвони қаҳрамони Аврупо маҳрум шуд.
Кумитаи Байналмилалии Олимпӣ бидуни тавзеҳ чанд бор маросими супурдани медалҳои тиллоро ба тими Русия ба таъхир гузошт. Баъдан маълум шуд, ки сабабаш санҷиши мусбати допинг Валиева будааст.
Акси Комила Валиева аз Шабакаи интернет
