Аз аввали моҳи августи соли 2024 зимни воридсозии телефон барои истифодаи шахсӣ дигар имтиёз нест.
Бо Қарори Ҳукумати Ҷумҳурии Тоҷикистон аз 31 июли соли 2024 тартиби воридоти имтиёзноки телефонҳои мобилӣ лағв шуд.
Дар Тоҷикистон тибқи Қарори Ҳукумати Ҷумҳурии Тоҷикистон аз 31 марти соли 2020 (№ 208) рамзҳои IMEI ба қайд гирифта мешуданд ва агар барои истифодаи шахсӣ аз хориҷ телефон ё планшет ворид мекардед, дар гузаргоҳи гумрукӣ эъломияи шакли Т6 пур менамудед, ки ин ройгон буд.
Арзиши расмиёти гумрукӣ 15% андоз аз арзиши умумии дастгоҳро ташкил медиҳад, ки аз ин ба баъд шахс телефонро барои истифода шахсӣ низ бори аввал ворид мекунад, маблағро пардохт мекунад.
Қаблан, тибқи Қарори ҳукумат хар як шаҳрванд метавонист дар асоси имтиёз бо пурра озод аз пардохти боҷҳои гумрукӣ ва андоз барои эхтиёҷоти шахсӣ ба кишвар молеро ворид кунад, ки арзиши он на бештар аз 2000 доллари амрикои буд. Ин муқаррарот ба дастгоҳҳои мобилӣ низ дахл дошт. Агар арзиши дастгоҳҳои мобилӣ ё планшетҳои воридшаванда аз 2000 доллари ИМА зиёд, вале на бештар аз 5000 доллари ИМА буд, дар ин ҳолат тартиби соддакардашудаи барасмиятдарории гумруки бо истифода аз меъёрҳои ягонаи боҷҳои гумрукӣ ва андоз ба андозаи 20 дарсади арзиши гумрукӣ аз мол татбиқ карда мешуд.
IMEI -рақами силсилавии иборат аз 15 адад аст. Он дар дастгоҳи мобилӣ, талони кафолатӣ, дар қуттии телефон насб шудааст.
Ҳама гуна дастгоҳе, ки бо SIM-корт кор мекунад, IMEI дорад. Телефони дусимкартадор дорои ду IMEI аст. Агар Шумо IMEI-и дастгоҳи худро намедонед, пас, *#06# – ро дар телефони худ рақамчинӣ кунед.
Дар Тоҷикистон тибқи Қарори Ҳукумати Ҷумҳурии Тоҷикистон аз 31 марти соли 2020 (№ 208) рамзҳои IMEI бояд ба қайд гирифта шаванд.
