Даври иловагии имтиҳонҳо барои қисмҳои А ва Б дар як рӯз – 12-уми июл баргузор карда шуд. Натиҷаи имтиҳон 20‑уми июл эълон хоҳад шуд.
Ба иттилои Маркази миллии тестӣ, 12-уми июли соли 2023 барои довталабони дорои таҳсилоти умумии асосӣ, миёнаи умумӣ (синфи 11-ум), ибтидоӣ ва миёнаи касбӣ, ки дар марҳалаи иловагии бақайдгирӣ (аз 10‑ум то 30‑юми июни соли 2022) барои иштирок дар ИМД номнавис шуда буданд ва довталабоне, ки дар даври асосии қисми А (имтиҳон дар заминаи таҳсилоти умумӣ – синфи 11-ум) ё қисми Б (имтиҳон дар заминаи умумии асосӣ – синфи 9-ум) иштирок карда натавониста, барои супоридани имтиҳони дахлдор дар даври иловагӣ ба Марказ ариза пешниҳод намудаанд, даври иловагии имтиҳонҳо оғоз гардид.
Даври иловагии имтиҳонҳо дар 14 маркази имтиҳонии шаҳрҳои Душанбе, Хуҷанд, Бохтар ва Кӯлоб, ки тибқи рӯйхати тасдиқкардаи Вазорати маориф ва илми Ҷумҳурии Тоҷикистон дар заминаи муассисаҳои таълимии таҳсилоти миёнаи умумии шаҳрҳои зикршуда ташкил карда мешаванд, баргузор шуд.
Акс аз Шабакаи интернет
