Узви Шӯрои Амстердам оид ба сиёсати технологияҳои иттилоотӣ ва коммуникатсия Александр Шолтс гуфтааст, шаҳрдории Амстердам «бо сабаби нигаронӣ дар бораи ҳуқуқи башар ва ҷосусӣ» истифодаи камераҳои истеҳсоли Чинро қатъ мекунад. Дар ин бора NL Times хабар медиҳад.
Дар нома ба шӯрои шаҳр, Шолтс таъкид кардааст, ки камераҳои чинӣ дар тӯли 5 сол тадриҷан аз истифода берун карда мешаванд.
Нашрия қайд мекунад, ки ҳоло дар Амстердам 1280 камераи чинӣ барои иҷрои вазифаҳои гуногуни мунисипалӣ, аз ҷумла барои назорати берун ё пайгирии ҳаракати нақлиёт дар роҳҳо истифода мешавад.