Гулҷамол Зоидова (Гулҷамол Илҳомӣ), қонуннавозию дуторнавозӣ ва сарояндагӣ мекунад.
Оҳанги суруди “Катюша”, “Баҳор нашидаси” – и оҳангсози Узбекистон, Оҳанги “Наво ва базм” – и Амирбек Мӯсоевро низ бо асбоби қонун навохта сабт кардааст. Оҳангнамоҳои онҳо тариқи шабакаҳои иҷтимоӣ нашр гардида, аз ҷониби бинанбагон пазироӣ шудаанд.
Ӯ дар шаҳри Бӯстони вилояти Суғд дар оилаи омӯзгор ба дунё омадааст.
Коллеҷи санъати ба номи Содирхон Ҳофизи шаҳри Хуҷандро аз рӯи ихтисоси қонуннавоз хамт кардааст.
Ӯ дуторнавозӣ мекард, орзуи бобояш ин буд, ки Гулҷамол қонуннавоз бошад. Ин ҷавондухтар хоҳиши бобояшро ҷомаи амал пӯшонд ва навохтани ин асбоби мусиқиро аз худ кард.
Бо услуби Дамирбек сурудхонӣ низ мекунад. “Аксарият аз ман мепурсанд, ки чаро ба Дамирбек мухлисӣ мекунед. Ӯ бародари шумо буд ё таборӣ доред?
Ман ҳеҷ гуна қаробати хешӣ надорам. Аз даврони мактабхонӣ мухлиси ин нафар будам. Дар ин сароянда ман равияи хешро дида метавонам.”,-таъкид мекунад Гулҷамол.
Ӯ дар шабакаҳои иҷтимоӣ хеле фаъол аст. Ба қавли Гулҷамол, аксарият чунин хулоса мекунанд, ки вай фаъолияти блогерӣ дорад ва ин як манбаи даромадаш маҳсуб мешавад.
“Ман блогер нестам. Ҳамчун навозанда аз ин тариқ ҳунари худро пешниҳод мекунам. Мехоҳам маро ҳамчун навозанда шиносанд. Ин фаъолияти блогерӣ нест. Ман даромаде аз ин кор намегирам. Танҳо саҳифаҳои иҷтимоиро барои маъруфият касб кардан истифода мебарам.”, мегӯяд Гулҷамол.
