Дар Тоҷикистон ҳудуди 68 дарсади кормандони соҳаи тандурустӣ, 73 %-и кормандони соҳаи маориф, 27 %-и кормандони илм ва зиёда аз 23 %-и онҳое, ки дар соҳаи кишоварзӣ фаъолият доранд, занону бонувон мебошанд.
Дар самти хидмати давлатӣ чанд фисад бонувони кишвар ҷалб шудаанд?
Ҷиҳати посух ёфтан ба ин савол аз омори ҷалби занон ба хизмати давлатӣ ва вазифаҳои роҳбарикунанда, ки дар сомонаи расмии Агентии омори назди Президенти Ҷумҳурии Тоҷикистон ҷой дорад, таваҷҷӯҳ кардем. Дар 6 соли охир теъдоди ҳизматчиёни давлатӣ аз ҳисоби бонувон чӣ қадар зиёд шуданд? Кадом омилҳо боиси афзудани шумораи онҳо дар ин самт мебошад? Кӯшиш мекунем, ки дар ин матлаб ба ин саволҳо посух ҷӯем.
https://infogram.com/user-dashboard-1hd12yxkore8w6k?live
Дар соли 2023 сафи мутахассисони соҳаи хизмати давлатӣ ва кадрҳои роҳбарикунанда аз ҳисоби бонувон рӯ ба афзоиш аст. Дар доираи татбиқи “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон аз ҳисоби занону духтарони лаёқатманд барои солҳои 2017-2022” раванди ҷалби бонувон ба хизмати давлатӣ ва мансабҳои роҳбарикунанда идома дорад. Масалан, дар соли 2020 як нафар зан ба мансаби муовини Сарвазири Ҷумҳурии Тоҷикистон, ду нафар вазир ва ду нафари дигар ба вазифаи раисони ноҳияҳо таъин гардиданд.
Нахуст қонунҳо, санадҳои хуқуқӣ ва барномаҳои давлатие, ки ҷиҳати боло бурдани мақому манзалаи зан дар ҷомеа ва ҷалби ӯ дар соҳаҳои ҳаётан муҳим бастагӣ дорад, аз назар мегузаронем.
Аҳамият ва таъсири қонун, санад ва барномаи давлатии номбаршуда чӣ гуна буд? Ба ин суол аз ҷадвали зерин, ки аз афзудани сафи занон дар Парлумони кишвар дарак медиҳад, посухи хешро пайдо намоед.
Аксарият ба ин назаранд, ки зиёд шудани хизматчиёни давлатӣ аз ҳисоби занон ба афзоиши муҳоҷирати меҳнатӣ дар байни мардҳо низ вобастагии мустақим дорад.
Фармони Президенти Ҷумҳурии Тоҷикистон “Дар бораи тадбирҳои баланд бардоштани мақоми зан дар ҷомеа” замина гузошт, ки сиёсати гендерӣ ҷиҳати иштироки занон дар идоракунии давлатӣ мавриди амал қарор гирад. Имрӯз яке аз муовинони раисони шаҳру ноҳия зан ҳастанд. Тибқи Фармони мазкур дар масъалаи интихоб ва таъйин ба вазифаҳои масъул, тарбияи наслҳои ҷавони роҳбарикунанда аз ҳисоби занону духтарон, махсусан, дар маҳалҳо зери назорати доимӣ қарор медиҳад.
Акси асосӣ аз шабакаи интернет
Ӯктам Ризаев
Файзуллохон Обидов
