МУВАФФАҚИЯТФ. Сангинов: аз “Территория юмора” пули зиёд намеёбему лекин...

Ф. Сангинов: аз “Территория юмора” пули зиёд намеёбему лекин барои пул якдигарро намефурӯшем!

-

Ширинкори ҷавон Фаррух Сангинов барои мухлисони ҷавонтари  ҳаҷву ханда симои ошност. Ӯ аввал дар маҳфилҳои хушдилон (КВН), ки ҳар сол  байни муҳассилини  макотиби  шаҳру навоҳии вилояти Суғд доир мешуд,  ҳунарнамоӣ карда, маҳораташро нишон дод. Замони донишҷӯӣ низ дар маҳфилу чорабиниҳои гуногун иштирок  мекард. Comedy Шоу” яке аз лоиҳаҳои муваффақи онҳост, ки баъдтар номи “Территория юмора”-ро касб кард.

То чанд соли пеш дар Хуҷанд 3 лоиҳаи ҳаҷвӣ амал мекард.  Аз ҷумла,  “Comedy Шоу” , “Tajik – шоу”  ва “Дигар — шоу”, ки бо барномаҳои хеш фазои холиро пур мекард. Баъди чанде муассиси Телевизиони маҳалии  “Азия” ҷавонони боистеъдоди ин гурӯҳҳоро, ки дар “КВН” аз худ дарак дода буданд, ба ҳам оварда, идеяи  лоиҳаи  “Теротроия юмора”-ро ба миён мегузорад. Ҷавонон ин ташаббусро хуш мепазиранд. Якчанд вақт ин гурӯҳ дар қаҳвахонаҳои шаҳри Хуҷанд намоишҳо барпо мекунанд. Бо гузашти чанд вақт  гурӯҳи “Tajik – шоу”  тасмим мегирад, ки фаъолиятро дар алоҳидагӣ пеш барад… Ҳоло ҳайати гурӯҳҳои Comedy Шоу” ва “Дигар — шоу”-ро лоиҳаи “Территория юмора” муттаҳид менамояд.   

Гурӯҳи эҷодии “Территтория Юмора”-ро Фарррух Сангинов, Абдуҳамид Шодиев, Шерзод Рӯзиев,  Далер Комилов, Баҳром Валиев  ва чанд нафари дигар комил мекунанд.

“Аксарият ба ин боваранд, ки идеяи таъсиси “Территория юмора”  аз “Comedy Club” – и  телевизиони “ТНТ” гирифта шуда бошад. Аммо Фарррух Сангинов ба ин андеша розӣ нест.

“Албатта, сатҳи онҳо аз мо хеле баланд аст.  Ба қавӣ будани  ҳайати “Comedy Club” мо қоилем. Онҳо ба ҷуз шароити молию техникии хуб  инчунин сенариянависони касбӣ доранд. Қариб ҳар ҳафта саҳнаҳои хуб тайёр мекунанд. Онҳо чаҳорчӯбаи эҷодӣ надоранд, барои ҳамин онҳо зӯранд. Дар саҳнаҳои онҳо баъазан ҳақорат, фаҳш ва боз чизҳои дигар ҳам ҳаст, ки мо онро надорем ва роҳ ҳам нахоҳем дод. Чунки фарҳанги мо инро намепазирад. Мардуми мо аҳли оилаашон “Comedy Club” — ро наметавонанд якҷо тамошо намоянд. Мо ҳаракат мекунем, ки саҳнаҳои моро оилаҳо тамошо карда тавонанд.”, — мегӯяд Фаррух Сангинов.

Ба бовари Фаррух Сангинов, бидуни сенариянависи касбӣ пеш бурдани фаъолият барояшон мушкил аст:

-Мо худамон сенария менависем. Масалан, якҷо болои ягон идеяе, ки аз ҷониби ҳайати гуруҳ пешниҳод шуд, фикр мекунем. Агар дар ин ё он саҳна    ҳама ба ханда оем, ба сенария   менависем. Проблемаҳои ҳаррӯзаи сокинон, аз ҷумла, болорави нархи газу бензин, барқкушӣ,  қимати молу маҳсулот ва дигар чизҳо  бисёр вақт мавзӯи саҳнаҳои мо   мешавад.  “Ҳа, мана, дарди дили моро гуфт”, — гӯён мардум ба мо бисёртар наздик мешаванд. Масалан,  саҳначаи “Шумо аз Худо наметарсед мӣ?”, ки дар бораи барқкушӣ буд, тамошобин хеле хуш қабул карда буд. То ҳозир ин саҳна дар ёди мардум мондааст. Албатта,  боз ягон қиссаҳоро аз забони мардум  мешунавем, ё шоҳиди воқеаҳо мешавему болои он кор карда, рӯйи саҳна меорем.

Аз Фарррух Сангинов суол кардем, ки чаро “Территория Юмора” бештар дар вилояти Суғд фаъол асту консертҳои зиёдро дар ин ҷо баргузор мекунад.  Посухи ӯ чунин буд: 

“Ду бор дар Душанбе низ консерт гузоштем. Аввал  дар ҳамон манзили зисти худ бояд туро шиносанд. Дар ғайри сурат машҳур ва шинохта нахоҳед шуд. Мо бо  он  тамошобиноне, ки дар Ютуб ва дигар шабакаҳо моро пайгирӣ мекунанд, ҳаракати наздиктар шудан дорем. Нақша дорем, ки дар Конибодом, Истаравшан, Панҷакент, ва Душанбею дигар минтақаҳо консперт баргузор намоем. Баъазе вақт шӯхиҳое, ки дар Хуҷанд мекунем, ба дитгар маҳалҳо  нофаҳмост ё писанд намеояд. Бинобар ин, пеш аз гузоштани консерт дар дигар минтақаҳо мавзӯю масъалаҳои муҳими он ҷойҳоро меомӯзем. Баъд саҳнаҳои ба дили онҳо наздик пешниҳод мекунем.  27 декабр дар Маскав консерт дорем.»

Нақшофарии Фаррух Сангинов  дар силсилафилми “Мигранты” нишон дод, ки маҳорати хуби актёрӣ дорад…

Акс аз лаҳзаи банаворгирии филми «Мигранты»

Фаррух Сангинов аз он хурсанд аст, ки дар байни бачаҳои  “Территория юмора” ҳамдигарфаҳмӣ ҳаст. То ҳол дар кори муштараки онҳо нофаҳмӣ ба вуҷуд наомадааст:

“Гурӯҳҳое ҳастанд, ки баъди як ё ду соли фаъолият пароканда мешаванд. Хушбахтона, гурӯҳи мо 5 сол боз кор карда истодаст. Агар ман бо оилаам 8 соат вақт гузаронам, бо бачаҳои гурӯҳ 14 -16 соат вақт сарф мекунам.  Бисёр вақт то соатҳои 1 – 2  — и шаб  кор мекунем. Натанҳо масъалаи кори лоиҳа, ҳатто мушкилоти хонаводагии худро ҳам бо маслиҳати  якдигар ҳал мекунем. Мо аз лоиҳаи “Территория юмора” маблағи зиёд намеёбем. Барои ҳамин ҳамаамон дар дигар ҷой кор мекунем. Лекин ҳеҷ гоҳ барои пул якдигарро намефурӯшем. Бовар дорам, ки чунин мемонем.”

 Файзуллохон Обидов

ПИСАНД ОМАД? БО ДӮСТОНИ ХУД МУБОДИЛА КУНЕД!
+1
4

+1
1

+1
0

+1
0

+1
0

+1
0

+1
0

ХАБАРҲОИ ОХИРИН

Муаллифи «Москва, метрои Люблино». Мо кор мекунем!»: ман тоҷикам!

«Москва, метрои «Люблино». Мо кор мекунем!"- хайпе буд, ки охири моҳи ноябр як гуруҳ размкорони тоҷикистонӣ дар толори варзишие...

8 декабр-Рӯзи байналмилалии рассомон

8 декабр Рӯзи байналмилалии рассомон таҷлил мешавад, ки соли 2007 аз ҷониби Анҷумани байналмилалии «Санъати халқҳои ҷаҳон» таъсис шудааст. Аммо...

Аврангзеб чаро аз иқтисоди сабз пуштибонӣ мекунад? (Мусоҳиба)

Аврангзеб Асрориён яке аз ҷавонони муваффақи тоҷик аст, ки чандин забони хориҷиро медонад ва дар озмуну олипиадаҳои байналмилалӣ дастовардҳои...

Суди Останкино: Чоршанбиев ҷарима ва ихроҷ шавад (Видео)

Суди ноҳияи Останкинои шаҳри Маскав аз 6 декабри соли 2021 варзишгар Чоршанбе Чоршанбиевро барои нақзи қоидаҳои ҳузуру будубош дар...
spot_imgspot_img

Алиҷони “ду удара” 17 бор мақоми аввалро соҳиб шудааст

“Алиҷони ду удара” 18 медал дорад, ки 17 адади онро барои соҳиб шудани мақоми аввал ба гарданаш овехтаанд ва...

5 медали ҷудокорони тоҷик

Варзишгарони ҷавони кишвар ахиран 5 медал ба даст оварданд. Ин нишонҳо дар Чемпионати Осиё/Уқёнус оид ба ҷудо, ки 4-5...
spot_imgspot_img

Ба шумо инчунин метавонед писанд оядVIP
Ба шумо тавсия дода мешавад