Алишер Долиев ҳоло дар шаҳри Токиои Ҷопон дар риштаи иқтисод ва менеҷмент таҳсил мекунад.
Ӯ дар суҳбат ба мо доир ба шартномаи ҳангуфти донишгоҳ, омӯзиш, кору зиндагиаш дар Ҷопон қисса кард.
Алишер дар Донишкадаи давлатии омӯзгории шаҳри Панҷакент (ихтисоси забони ҷопонӣ) таҳсил карда, сипас ба Ҷопон рафт. Ӯ қабл аз таҳсил дар донишкада дар мактаби махсус муддати 1,5 сол забони ҷопониро омӯхт…
«Ҳоло дар курси сеюм мехонам. Агар аз Тоҷикистон тариқи бурсия ба Ҷопон меомадам, имкони буҷавӣ таҳсил кардан буд… Маблағи солонаи шартнома ҳудуди 7 ҳазор доллар буда, ҳар моҳ то 350 доллар ба хобгоҳ месупорам. Роҳкиро хурду хӯрок дар моҳҳудуди 250-300 долларро ташкил медиҳад.», — гуфт ӯ.
Алишер дар як маркази савдо муддате ба ҳайси хазиначӣ кор кардааст. Чанд вақте дар тарабхона ёвари ошпаз буд. Инчунин ба ҳайси таҳвилдиҳандаи ғизо ва муаллими забони англисӣ кор кардааст.
«Солҳои аввал каме душвор буд. Ҳоло кор мекунам хароҷотамро мепӯшонам. Яъне, сарфу харҷи донишгоҳ ба дӯши худам ҳаст. Аз Тоҷикистон ба ман пул намефиристанд.», — афзуд қаҳрамони мо.
Алишер пас аз хатми донишгоҳ магистратураро дар дигар кишвар идома доданист.
Ҳафизуллоҳ Тоҳирӣ
