Алиёр Акбаров, ҷавони 26 – солаи тоҷик рассомӣ, ҳайкалтарошӣ, кандакорӣ ва дизайнерӣ мекунад ва аз ин ҳисоб рӯзғорашро пеш мебарад.
Алиёр аз овони хурдӣ санъати рассомӣ майл пайдо мекунад. Ҳар вақт, ки падараш китоб меовард ӯ танҳо ба аксҳои китоб назар меафкандааст.
Барои Алиёр бозичаҳои кӯдакона аҳамияте надоштааст ва ӯ бо ҳамсолони худ бозӣ накарда, дар кунҷи хона ҳамарӯза расм мекашидааст.
“Вақте 6-сола будам, дар девори хонаи ҳамсоя манзараи аҷиберо дидам. Он тасвири товус буд. Тасмим гирифтам, ки онро тасвир мекунам. Агарчи зебо офарида натавонистам, вале ин оғози пайроҳаи рассомӣ бароям буд.»,-ба ёд овард Алиёр Акбаров.
Ӯ ибтидо мактаби рассомии бачагонаи шаҳри Исфара ва баъдан Колеҷи санъати шаҳри Хуҷандро хатм кардааст. Муддате дар муҳоҷират буд ва дар Русия ба ҳайси фурӯшанда кор кардааст.
“Пас аз кор ба тасвири ҳар гуна ашёҳо машғул мешудам. Чанде аз шиносони русам ба ман тавсия доданд, ки ту ин корамро тарк накунам. Дар аввал фикр мекардам, ки Тоҷикистон барои идомаи ин ҳунарам мусоид нест. Хушбахтона, имрӯз эҳсос кардам, ки тамом шароиту имконот муҳайё аст.”,- таъкид намуд Алиёр.
Алиёр Акбаров барои рушди ҳунари хеш ба Олмону Фаронса сафар кардааст. Ҳамзамон дар якчанд озмуну намоишгоҳи ин кишварҳо ширкат ва сазовори ҷойҳои ифтихорӣ гардидааст.
Ҳоло фармоиш қабул намуда, аз ин ҳисоб маблағ ба даст меорад.
Баҳруллои М.
