Аз 41 хатмкардаи Литсей барои хонандагони болаёқат дар шаҳри Хуҷанд 12 нафари онҳо бо дарёфти 2,5 миллион доллар гранти омӯзишӣ ба донишгоҳҳои беҳтарини ИМА дохил шуда, 18 нафар ба донишгоҳҳои Аврупову Русия ва кишварҳои дигар роҳ ёфтаанд.
Хадамоти матбуоти раиси вилояти Суғд аз қавли Сурайёхон Неъматзода, директори Литсей барои хонандагони болаёқат дар шаҳри Хуҷанд навиштааст, Меҳрангез Абдуллоева, Алишерхон Қосимов, Амирбек Зокиров, Шарифҷон Маҳмудов , Нурсултон Бойҷонов, Муҳаммад Маҳмудов, Муҳаммад Усмонов, Маҳлиёхон Авзалова , Алишер Назаров, Камила Бобочонова , Азиза Рӯзиева ва Самандар Самандаров дар озмунҳои бурсияи донишгоҳҳои ИМА ғолиб омада, соҳиби беш аз 2,5 миллион доллари амрикоӣ грантҳои омӯзишӣ дар беш аз 20 донишгоҳҳои бонуфузи Амрико гардиданд. Инчунин 18 хатмкунандагони литсей ба донишгоҳҳои беҳтарини кишварҳои Олмон, Туркия, Австрия, Швейтсария, Булғористон ва Федератсияи Россия дохил шуда, 11 нафари дигар барои дохилшавӣ ба факултетҳои Донишгоҳи миллии Тоҷикистон ҳуҷҷатҳои худро супоридаанд. Яъне, аз 41 нафар хатмкунандагони литсей 30 нафари онҳо дар хориҷи кишвар 11 нафар дар мамлакат таҳсили худро идома медиҳанд.
Акс аз Хадамоти матбуоти вилояти Суғд
