Моргенштерн (Алишер) блогер ва яке аз рэперони машҳур ва дорои Русия тариқи саҳифаҳои хеш дар шабакаҳои иҷтимоӣ хабар дод, ки дар Узбекистон қарор дорад. Ӯ наворҳои кутоҳеро аз дохили ҳавопаймо, тарабхона, гармоба ва назди танури самбӯсапазӣ нашр кард. Алишер навореро дар яке аз салонҳои узбекӣ бо “Ҳасбики маҳаллӣ” — Эралӣ Бойқобилов нашр карда, тағйири ороиши мӯйи сари хешро низ нишон дод.
Ҳамчунин гуфт, дар яке аз тарабхонаҳои Тошканд консерт баргузор менамояд.
Алишер тирамоҳи соkи гузашта аз Русия фирор кард ва дар Дубай ба сар мебарад. Ин рэпер пас аз иттиҳоми Кумитаи тафтишоти Русия кишварашро тарк кард.
Алишер яке аз шоуменҳои сердаромад маҳсуб мешавад. Соли 2020 Forbes хабар дода буд, ки даромади Моргенштерн дар он сол 7,4 миллион доллар буд.
