Рӯзи байналмилалии забони модарӣ, ки Конфронси генералии ЮНЕСКО 17 ноябри соли 1999 эълон намуда буд, аз соли 2000 инҷониб ҳамасола 21 феврали соли ҷорӣ таҷлил мешавад ва ҳадаф мусоидат ба гуногунии забону фарҳанг ва бисёрзабонӣ унвон мешавад.
Санаи баргузории ин рӯз ба хотири таҷлили воқеаҳое, ки дар Дакка (ҳоло пойтахти Бангладеш) 21 феврали соли 1952 ба вуқӯъ пайваст, об мехӯрад. Вақте донишҷӯён ба ҳимояи забони модарии худ (банголӣ) бархостанд, аммо тири пулис кушта шуданд.
Забон тавонотарин воситаи ҳифз ва рушди мероси моддию маънавии мост. Тибқи маълумоти СММ, дар ҷаҳон тақрибан 7 ҳазор забон мавҷуд аст, ки беш аз 2,5 ҳазор забон дар остонаи нобудшавӣ қарор доранд, яъне, онҳо метавонанд дар ояндаи наздиктарин гӯяндагони худро аз даст диҳанд. Ҳар ду ҳафта як забон дар ҷаҳон аз байн меравад.
Кумитаи забон ва истилоҳоти назди Ҳукумати Тоҷикистон иттилоъ медиҳад, ки дар Тоҷикистон 11 забон дар маърази хатар қарордошта, масъулинро зарур аст, ки барои ҳимоя ва густариши ин забонҳо иқдомҳои заруриро саривақт амалӣ намоянд. Ҳарчанд ки дар баъзе ҷанбаҳо як қатор корҳои судманд анҷом дода шуда бошад, ҳам вале он ҳанӯз ҳам қаноатбахш нест.
Дар як пурсиш аз ҷавонони миллатҳои гуногун бобати забони модариашон ва аҳамияти он пурсидем, ки посӯхҳоро дар видеои зер мушоҳида намоед:
Аминҷон Раҳматзода
