Саймумин Мадиев, узви толори варзишии «Ризван ММ» дар бокс низ рақибаш Игор Шведро шикаст дод.
Муҳорибаи ин нафарро дар майдони бокс Ризвон Ошурмамадов, устоди Саймумин аз тариқи шабакаи ютуби хеш ба нашр расонидааст.
Дар навор дида мешавад, ки дар ду давр Саймумин чолокона ҳуҷум намуда, имконияте барои ҳарифаш намедиҳад.
Муҳориба дар майдони бокс бо хоҳиши Швед сурат гирифта, ӯ баъди шикасташ дар маҳорибаҳои омехта таъкид варзида буд, ки дар майдони бокс Саймумин тоб намеорад.
Ёдовар мешавем, ки охири моҳи январ блогери рус Игор Швед дар набард аз варзишгари муҳорибаҳои омехта Саймумин Мадиев шикаст хӯрд ва тамошобинони зиёди клуби Hype Fighting Championship-ро шод кард.
Қади Игор аз Саймумин баландтар ва вазнаш бештар аст, вале бо вуҷуди ин, дар майдони ҳашткунҷа шикаст хӯрд.
Қабл ва баъд аз муҳориба Швед Саймуминро таҳқир мекард, вале варзишгари тоҷик оромона, бидуни эҳсосот ба ҳарифаш посӯх медод, ки ин амалаш дар шарҳо зиёд тавсиф гардидааст.
