Вазорати маориф ва илми Тоҷикистон аз донишҷӯёни тоҷикистоние, ки дар Қирғизистон таҳсил мекунанд, даъват намуд, ки то мӯътадил шудани вазъ аз сафар ба ин кишвар худдорӣ варзанд.
Муҳаммадюсуф Имомзода зимни нишасти матбуотӣ ба расонаҳо муроҷиат намуд то ин суханонаш ба ин донишҷӯён расонида шавад ва ин ба хотири амнияти худи онҳост.
Ӯ гуфт, ба аксарияти донишҷӯёни баргашта шароит фароҳам шуд то дар донишгоҳҳои Тоҷикистон ба таҳсил идома диҳанд. Гарчанде беш аз 400 нафарашон ҳеҷ гуна санади собиткунанда дар даст надоранд, ки дар кадом донишгоҳи Қирғизистон таҳсил доштанд.
Вазорати хориҷаи Тоҷикистон низ дар як баёнияе эълон кардааст, ки «дар қаламрави Қирғизистон ҳолатҳои муносибати ғаразнок нисбат ба шаҳрвандони тоҷик мушоҳида мегарданд» ва ба ин хотир ин ниҳоди давлатӣ аз шаҳрвандону донишҷӯёни тоҷик хоҳиш кардааст, ки аз сафар ба ин кишвар худдорӣ намоянд.
Акс аз сомонаи Вазорати маориф ва илми ҶТ
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
2
+1
+1
+1
+1
+1
+1
