Ҷеймс Ҳаррисон 1173 бор донори хун шуда, зиёда аз ду миллион кӯдакро наҷот додааст. Ӯ соли 2018 дар 81-солагӣ охирин маротиба хун супорид. Дар Австралия пас аз 80-солагӣ донор шудан иҷозат дода намешавад.
Ҷеймс Ҳаррисон тӯли 60 сол донори хун буд ва маъруфтарин иштирокчии барномаи миллии кумак ба модарони дорои резус-фактори манфӣ ва фарзандони онҳо маҳсуб мешавад. Аз плазмаи ӯ тақрибан се миллион воя истеҳсол карданд. Ҷеймс Ҳаррисон аввали моҳи марти соли 2025 вафот кард.
Дар наврасӣ Ҷеймс Ҳаррисон ҷарроҳиро аз сар гузаронд ва ба ӯ хун гузаронидаанд. «Ман ҳатто намедонам, ки аниқ чанд нафари ба ман номаълум ҳаёти маро наҷот доданд.», — ба ёд меорад Ҳаррисон. Пас аз ин, ӯ ба худ ваъда додааст, ки ҳатман худаш хун мебахшад ва ин корро аз 18-солагӣ шурӯъ кардааст.
Дар солҳои 1960-ум табибони Австралия ба ҷустуҷӯи роҳи бартараф кардани фавти баланди кӯдакон дар кишвар ин шурӯъ кардаанд. То соли 1967 дар Австралия ҳамасола ҳазорон кӯдак мефавтиданд.
Табибон ба хулосае омаданд, ки сабаб дар резус-фактори манфӣ — набудани антигени D дар ҳуҷайраҳои хуни баъзе занон аст. Ин метавонад барои занони ҳомила хавф эҷод намояд ва боиси бемории гемолитикии кӯдакон шавад. Ҳатто пеш аз таваллуд ба марги кӯдак сабаб мегаштааст.
Пешгирии беморӣ бо ёрии сӯзандоруҳои иммуноглобулини антирезусӣ имконпазир будааст, ки онҳоро аз плазмаи хуни инсон ҷудо мекунанд. Онҳо ба ҷустуҷӯи донори мувофиқ дар марказҳои хун шурӯъ карданд ва Ҳаррисонро пайдо карданд. Ӯ то ин вақт даҳ сол пайваста хун месупорид. Ба ӯ пешниҳод карданд, ки иштирокчии барномаи таҷрибавӣ шавад ва ӯ фавран розӣ шудааст.
Аввалин сӯзандоруи иммуноглобулини антирезусӣ, ки аз хуни Ҷеймс Ҳаррисон сохта шудааст, ба зани ҳомиладор дар соли 1967 ворид карда шуд. Ҳамоҳангсози барнома оид ба таҳияи дору Робин Барлоу гуфтааст, ки дар ҳар як ампулаи он, ки дар Австралия истеҳсол шудааст, «ҷузъи Ҷеймс» мавҷуд аст. Ӯ миллионҳо кӯдакро наҷот дод.», — ёдовар шудааст Барлоу…
Ҳаррисон нақл кардааст, ки дар асл аз сӯзандоруҳо метарсад ва ҳар дафъае, ки аз ӯ хун мегиранд, чашмонашро мепӯшонад. Ҷеймс Ҳаррисон ба Китоби рекордҳои Гиннес ҳамчун шахсе, ки аз ҳама бештар хун супоридааст, ворид шудааст.
