Фотимаю Зуҳро, Бибиоиша ва Ҳасану Ҳусейн ягона панҷгоник дар Тоҷикистон буда, имрӯз, 30 декабр яксола шуданд.
Волидайни ин панҷгоник аз ноҳияи Қубодиён буда, барояшон як сол шебу фарози зиёде дошт. “Нигоҳубини ин панҷ кӯдак душвор аст. Вақте яке аз онҳо гиря кунад, ҳамаашон бедор мешаванд.»-мегӯяд модари ин панҷгоникҳо.
Ба қавли Раҳмон Нурматов, падари панҷгоникҳо мушкилӣ давоми як сол зиёд буд, бетобӣ ва бемории кӯдакон.
Панҷгоникҳо ҳамроҳи падару модар ва хоҳару бародари бузургашон, дар хонае, ки мақомоти ноҳияи Қубодиён ва сокинони хайрхоҳ бунёду ҷиҳозонидаанд, зиндагӣ мекунанд.
Дилноза Маҳмадоваи 31-сола, модари панҷгоникҳо ду фарзанди дигар ҳам дорад, ки яке 11-сола ва дуввумӣ 5-сола ҳастанд ва 30 декабри соли 2020 ӯ панҷгоник ба дунё овард, ки теъдоди фарзандонаш ба 7 нафар расид.
Бояд гуфт, таваллуди панҷгоник дар таърихи Тоҷикистон ва ҳатто дар Осиёи Марказӣ низ назир надорад.
Б. Комилов
