Championship CAFA 2024 байни дастаҳои занонаи то 18-сола ба поён расид. Дувумин мусобиқаи имсола таҳти сарпарастии Ассотсиатсияи футболи Осиёи Марказӣ байни дастаҳои занонаи ҷавонони то 18-сола дар Душанбе поён ёфт.
Медали тиллоро футболбозони эронӣ, ки се пирӯзӣ ва як бозӣ мусовӣ анҷом дода, 10 имтиёз ба даст овардаанд, соҳиб шуданд. Медали нуқра бо 9 имтиёз насиби мунтахаби Узбакистон шуд. Барандаи медали биринҷии чемпионати CAFA-2024 бо 7 имтиёз насиби мунтахаби Қирғизистон гардид. Дастаи занонаи Тоҷикистон таҳти раҳбарии Ҳикмат Фузайлов бо касби се имтиёз дар ин мусобиқа мақоми чаҳорумро касб кард. Дастаи Туркманистон бидуни ягон хол дар зинаи охирин қарор гирифт.
Ҳамлагари беҳтарини мусобиқот бозигари тими миллии Узбакистон Шаҳноза Деканбоева дониста шуд, ки ҳашт гол задааст. Беҳтарин бозигари чемпионати CAFA-2024 Сомайе Исмоилӣ аз тими миллии Эрон буд.
