Коррупсия мисли як вирус ҷомеаро аз дохил вайрон мекунад, он ба иқтисодиёт зарар мерасонад, эътимод ба ҳукуматро коҳиш медиҳад ва ҳуқуқҳои инсонро поймол мекунад.
Қабули қарору қонунҳо барои аз байн бурдани он муҳим аст. Ба он хотир, ки мубориза бо фасодро муассир мегардонанд, ҳимояи ҳуқуқҳои инсонро таъмин мекунанд.
Тоҷикистон Конвенсияи СММ бар зидди коррупсияро имзо кард ва яке аз аввалинҳост, ки онро ба тасвиб расонд.
То имрӯз чандин ҳуҷҷати стратегӣ дар кишвар қабул гардидааст, ки барои рушди иқтисодӣ, иҷтимоӣ ва ҳамзамон пешгирӣ аз фассод пешбинӣ шудаанд.
Соли 2008 Стратегияи мубориза бо коррупсия барои солҳои 2008–2012 қабул шуд ва заминаи аввалин барои муборизаи муташаккилона бо коррупсия унвон мешуд. Соли 2013 Стратегияи муқовимат ба коррупсия барои солҳои 2013–2020 қабул гардид, ки барои тақвияти назорат ва шаффофият дар идоракунии давлатӣ буд. Соли 2021 Стратегияи давлатии муқовимат ба коррупсия то соли 2030 қабул шуд, ки барномаи дарозмуддат барои коҳиши омилҳои коррупсионӣ унвон мешавад.
Дар ҳамин ҳол Сулаймон Султонзода, директори Агентии назорати давлатии молиявӣ ва мубориза бо коррупсия мегӯяд, Ҳукумати кишвар аз аввали соҳибистиқлолӣ то кунун як қатор корҳоро дар мубориза бо коррупсия анҷом додааст.
Бояд донем, ки мубориза бо коррупсия масъулияти умумимиллӣ аст. Бе иштироки ҷомеа мубориза бо коррупсия самарабахш шуда наметавонад.
Аз ҳамин сабаб ҳар як шаҳрванди Тоҷикистон метавонад ва бояд дар муқовимат бо коррупсия саҳмгузор бошад.
ПИСАНД ОМАД? БО ДӮСТОНИ ХУД МУБОДИЛА КУНЕД!
+1
+1
+1
+1
+1
+1
+1
