Шветсия ва Нидерландия аз Иттиҳоди Аврупо даъват карданд, ки алайҳи Исроил ва Ҳаммос барои коҳиши бӯҳрони башарӣ дар Ғазза таҳрим ҷорӣ кунад. Вазирони корҳои хориҷии ин кишварҳо ба роҳбари дипломатҳои ИА Кае Каллас нома ирсол кардаанд.
Дар нома сухан бобати ҷорӣ кардани таҳримот бар зидди раҳбарияти сиёсии Ҳаммос ва ҳамчунин мутаваққиф кардани муносибатҳои тиҷоратӣ бо Исроил меравад. Дар ҳуҷҷат даъват ба ҷорӣ кардани маҳдудиятҳои шахсӣ бар зидди «вазирони экстримист»-и Исроил, ки нақшаи ишғоли каронаи бохтарии рудхонаи Ордонро дастгирӣ мекунанд, таъкид мешавад.
Дар нома, раҳбари Вазорати корҳои хориҷии Шветсия Мария Малмер Стенергард изҳор доштааст, ки сиёсати Исроил таҳдид ба консепсияи ҳамҷавории ду давлат мебошад. Ба гуфтаи манбаъ, нома инчунин ба раҳбарони вазоратҳои корҳои хориҷии дигар кишварҳои Аврупо фиристода мешавад.
Пештар Норвегия ваъда дода буд, ки қарори Додгоҳи байналхалқии ҷиноӣ барои боздошти Натаняҳуро иҷро мекунад.
Акс аз сомонаи Радиои Sveriges Radio
