Номи президенти ИМА Доналд Трамп дар миёни 3 миллион ҳуҷҷати марбут ба Ҷеффри Эпштейн, ки ахиран нашр шуданд, зиёда аз 1000 бор зикр шудааст. Ин оморро CNN шумурдааст.
Конгресс ба мухолифати Трамп эътибор надода, қонунеро қабул кард, ки Вазорати адлияро муваззаф месохт то нимаи моҳи декабр ҳамаи ҳуҷҷатҳои Эпштейнро нашр кунад. Муовини вазири адлия Тодд Бланш гуфтааст, ки ин ниҳод бо нашри 3,5 миллион ҳуҷҷат иҷрои ин уҳдадориро анҷом дод, ҳарчанд баъзе санадҳо нигоҳ дошта шудаанд.
Дар марҳилаи аввал, ҳуҷҷатҳои моҳи декабр нишон доданд, ки додситонҳо далелҳое дарёфт кардаанд, ки Трамп дар солҳои 1990 чанд маротиба бо ҳавопаймои хусусии Эпштейн парвоз кардааст. Ин изҳороти қаблии Трампро, ки гуфта буд «ҳеҷ гоҳ дар ҳавопаймои Эпштейн набудааст», зери шубҳа бурд.
Ҳамчунин шикояти як зани дигар сабт шудааст, ки 13-солагӣ аз ҷониби Трамп таҷовуз шудааст. Ин зан қаблан даъвоҳои судӣ пешниҳод карда, баъд онҳоро бозпас гирифта буд.
