Довуд Акобиров ҳастам, хабарнигори jom. Имрӯз мо дар тарабхонаи Foccacia Grill дар меҳмонхонаи “Hyatt Regency Dushanbe” қарор дорем. Мо бо сарошпази ин тарабхона ҷаноби Александр Реилу (Alexander Reilly) дар бораи чанд наъи хурокҳои солинавӣ суҳбат мекунам, ки ӯ кадоме аз онҳоро омода мекунад ва ба Шумо тавсия медиҳад.
-Мехоҳем худатонро ба тамошобини мо шинос кунед, аз куҷо омадед ва чӣ гуна дар ин ҷо корро шурӯъ кардед?
-Номи ман Александр аст. Ман моҳи чаҳорум аст, ки дар Тоҷикистон ҳастам ва дар Hyatt кор мекунам. Ман зиёд сафар кардаам ва дар беш аз 10 кишвари дунё кор кардам. Аслан, аз Скодланди Британияи Кабир мебошам.
-Дар 10 кишвар кор кардед ва тафовут дар миёни ин давлатҳо чи аст?
Ман дар Малайзия, Индонезия, Ветнам, Чин ва кишварҳои дигар кор кардам. Чун ба фарҳанг тавваҷуҳ дорам, тафовути давлатҳоро низ дар фарҳангашон дидам.
-Аслан кадом навъи хурокҳоро омода мекунед?
Ман анвои зиёди хурокҳоро омода мекунам. Зеро, дар чандин гушаи дунё кор кардаам. Бештар хурокҳои ғарбӣ, осиёӣ ва Шарқи миёнаро омода мекунам.
-Одатан дар соли нав чӣ омода мекунед?
-Яке аз хурокҳое, ки дар Соли нав ман омода мекунам “Beef Wellington” (Веллингтони говӣ) буда, аммо арзишаш каме гарон аст. Пораи гӯштро дар ширинии пуфакӣ (puff pastry) печонида дар тафдон мегузорем. Ба он инчунин замбуруғ ва дигар маҳсулот низ илова мекунам. Шаклан ба пирог монанд аст, аммо аз гӯшт омода мешавад.
-Дар маҷмӯъ қиматаш чӣ қадар мешавад?
Қиматаш? Намедонам! Ман онро худам омода мекунам.
-Дар меҳмонхона омода намекунед?
-Аслан не, дар ин ҷо омода намекунам. Ин хурок хосси фарҳанги мост.
-Дар ин тарабхона барои Соли нав чӣ омода мекунед?
-Дар ин тарабхона мо як таъомномаи хурдакаки хурокҳои солинавӣ дорем. Дар он хурокҳое чун шурбо (суп) ва шириниҳои sticky toffee pudding шомил мешаванд
— Омода кардани кадоме аз ин хурокҳо осонтар аст?
-Омода кардани баъзе аз онҳо мушкил аст. Чунки бояд тарзи таёр кардани пастаро донед. Барои ин каме бояд таҷриба дошт. Аммо омода кардани sticky toffee pudding осонтар аст. Инчунин омода кардани шурбои пампкин (pumpkin soup) душвор нест. Барои омода кардани он кадуи тару тоза, пиёз, сирпиёз ва сабазавоти тару тоза истифода мебарем.
-Дар ин ҷо ягон навъи хурокҳои тоҷикиро омода мекунед?
Хурокҳои тоҷикӣ омода мекунем, аммо начандон зиёд. Баъзан ош, бештар самбуса ва сихкабоб.
-Шумо чӣ гуна таёр кардани ошро омухтед?
Ман худам ош омода намекунам. Дар ин ҷо якчанд ёрдамчии тоҷик дорам ва онҳо ош омода мекунанд.
-Хурокҳои миллии Шумо бо хурокҳои тоҷикӣ чӣ умумияте доранд?
-Ман аз ҳамкоронам мепурсам ва онҳо мегуянд, ки хуроки рақами 1 дар ин ҷо гӯшт аст. Аммо дар мо бештар каротошкаро истифода мебаранд. Фарҳангҳо гуногунанд. Масалан, дар Малайзия ва Индонезия бештар биринҷ истифода мебаранд. Дар кишвари шумо ош хуроки миллӣ аст. Дар Британияи Кабир низ мо биринҷро истифода мебарем ба мисли мардуми Индонезияву Малайзия. Аммо дар Британияи Кабир боре ҳам оши палавро надидаам.
Агарчи ош таоми олӣ аст. Ман оши бо гӯшти мурғ мехурам ва хеле лаззат мебарам. Ба ошхонаҳо рафта ош мехӯрам, ки ин афсонавист.
Мусоҳиб Довуд Акобиров
