Палатаи поёнии парлумони Фаронса ба ҷонибдории манъи истифодаи шабакаҳои иҷтимоӣ барои наврасони то 15-сола овоз дод. Бо дархости президенти кишвар Эммануэл Макрон санад босуръат баррасӣ мешавад ва мақомот умед доранд, ки онро моҳи феврал қабул хоҳанд кард.
Илова бар ин, як моддаи дигари лоиҳаи қонун густариш додани манъи истифодаи телефонҳои мобилиро, ки соли 2018 ҷорӣ шуда буд, пешбинӣ мекунад. Маҳдудият дар коллеҷҳо (мактабҳои миёна барои кӯдакони 11–15-сола) амал мекард ва акнун қарор аст нисбат ба мактабҳои олӣ низ татбиқ шавад.
Сарвазири собиқ Габриэл Аттал, ки ҳоло дар Маҷлиси миллӣ фраксияи ҳизби «Ренессанс»-ро роҳбарӣ мекунад, изҳор доштааст, ки умедвор аст сенат лоиҳаро дар миёнаи моҳи феврал қабул мекунад. Ба гуфтаи ӯ, агар қонун дар давоми як моҳ қабул шавад, аз 1 сентябр манъи таъсиси аккаунтҳои нав барои корбарони то 15-сола ба иҷро медарояд ва то 31 декабр платформаҳо бояд ҳисобҳо ё акаунтҳои мавҷудаи наврасонро ҳазф кунанд.
Ин мавқеъро худи Макрон низ ҷонибдорӣ мекунад. Ӯ пас аз қабули лоиҳа дар шабакаи иҷтимоии X навишт:
«… Зеҳни фарзандони мо фирӯшӣ нест. На ба платформаҳои амрикоӣ ва на ба шабакаҳои чинӣ…».
