Теъдоди масъалаҳои калидӣ дар музокироти ИМА ва Украина дар Флорида бидуни пешрафт монд. Тибқи манбаъҳои ABC News, ҷонибҳо ба созиш дар масъалаи ҳудудҳои даргирӣ нарасидаанд. Музокирот 30 ноябр баргузор шуда буд.
Манбаъҳо мегӯянд, ки Украина ҳозир нест ҳудуди худро супорад. Бо вуҷуди ин, котиби давлатии ИМА Марко Рубио ва роҳбари Шӯрои амнияти миллии Украина Рустем Умеров мулоқотро «пурсамар» номида, аз «пешрафт дар дигар бахшҳо» хабар додаанд.
Дар гуфтушунидҳо масъалаҳои таъмини амнияти Украина, сарнавишти дороиҳои яхкардаи Русия ва имкони баргузории интихобот баррасӣ шудаанд. Аммо, ба гуфтаи ABC News, дар мавриди масъалаҳои баҳсбарангез, бахусус масъалаи ҳудудҳо пешравӣ дида намешавад.
Аз тарафи ИМА дар музокирот Стивен Уиткофф, фиристодаи махсуси президенти Доналд Трамп, ва Ҷаред Кушнер ширкат доштанд. Ҳайати Украинаро Рустам Умаров ва муовини аввали вазири хориҷаи ин кишвар Сергей Кислитса роҳбарӣ мекарданд.
